पाँच वर्षपछि साउदीको जेलमुक्त भएका नवपरासीका थानेश्वर घर फर्किदै

Thaneshor_Bhusal.jpg

काठमाडौं - सवारी दुर्घटनाको मुद्दामा ५ वर्ष अघिदेखि साउदी जेलमा रहेका नवलपरासी मध्यविन्दु नगरपालिका- ४ का थानेश्वर भुषाल जेलमुक्त भएपछि आज (शुक्रबार) घर फर्किदै छन् । 

साउदी जेलमा बन्दी जीवन बिताइरहेका भुसाललाई जेठ १४ गते साउदीको अदालतले रिहा गरेको थियो । रोजगारीका लागि साउदी अरब गएका भुसालले चलाएको गाडीले अगाडीको गाडीलाई ठक्कर दिदाँ एक पाकिस्तानी र एक साउदी नागरिकको ज्यान गएको थियो ।

साउदीको अदालतले दुर्घटनामा परी घाइते भएका भुसाललाई दोषी ठहर गर्दै पीडित परिवारलाई (१ लाख ५० हजार रियाल) ४५ लाख रुपैयाँ ‘ब्लडमनी’ स्वरुप क्षतिपूर्ति भराउन आदेश जारी गरेको थियो । भुसाललाई जेलमुक्त गर्न विभिन्न देशका एनआरएनएका शाखासहित विदेशमा रहेका नेपाली कामदारले थानेश्वर बचाउ अभियानमार्फत सहयोग गरेका थिए । 

थानेश्वरलाई अभियानको तर्फबाट स्वागत तथा थानेश्वर भुषाल उद्दार अभियानको विधिवत समापन कार्यक्रम आयोजना गर्न थानेश्वरको उपस्थितीमा शुक्रबार ८:४५ बजे त्रिभुवन बिमानस्थलको वैदेशिक रोजगार सुचनाकेन्द्रको अगाडी पत्रकारहरुसँग साक्षात्कार गर्ने कार्यक्रमम छ । 



प्रतिक्रिया