६० वर्षीया श्रीमतीको ढुंगा हानी हत्या

/assets/plugins/bower_components/fileman/Uploads/Images/Murder1.jpg

काठमाडौं-फुदिखोला-३२ पोखरामा ६० वर्षीया श्रीमाया गुरुङको हत्या भएको छ । उनको आफ्नै श्रीमान एमबहादुर गुरुङले ढुंगा हानी हत्या गरेको जिल्ला प्रहरी कार्यालय कास्कीले जनाएको छ ।
 
कास्की प्रहरीका प्रवक्ता बिरेन्द्र मान गुरुङका अनुसार टुडीस्थित सुकुम्बासी टोलमा बस्दै आएका यमबहादुरले लामो समयदेखि प्यारालाइसिसकी बिरामी रहेकी श्रीमतीको बुधबार राति हत्या गरेको पाइएको छ । 

बिहीबार हत्याको जानकारी पाएपछि अनुसन्धान थालेको प्रहरीले घर नजिकैको खेतमा लुकेको अवस्थामा अभियुक्त यमबहादुरलाई फेला पारेको छ । 
https://www.nicasiabank.com/

श्रीमती बिरामी भएपछि दैनिक मजदुरी गर्दै आएका उनी बुधबार राति मदिरा सेवन गरी घर पुगेका थिए । यही विषयमा भएको सामान्य विवादका क्रममा उनले ढुंगा प्रहार गरेको वयान दिएका छन् । 

दुई दम्पती फुदिखोलाको सुकुम्बासी टोलमा बस्दै आएका थिए । प्रहरीले शुक्रबार पत्रकार सम्मेलन गरी हत्याका अभियुक्त मानिएका गुरुङलाई सार्वजनिक गर्ने जनाएको छ । 
 

प्रतिक्रिया