बाइकमा ३२ लाख भारु बोकेका दुई भारतीय समातिए

Arrest.jpg

पर्सा- ३१ लाख ८० हजार भारतीय रुपैयाँ लिएर विरगञ्जतर्फ आइरहेका दुर्इ जना भारतीय नागरिकलार्इ प्रहरीले पक्राउ गरेको छ । 

जिल्ला प्रहरी कार्यालय पर्साले मंगलबार वीरगञ्जको रजतजयन्ती चोकबाट पक्राउ परेका भारत विहार पूर्वी चम्पारण बेलवा निवासी चितरञ्जन प्रसाद र विहारकै मोतियारी पलनवा निवासी रोहित केशरीलाई बुधबार पत्रकार सम्मेलन गरी सार्वजनिक गरेको हो । 

ना २७ प ३८११ नम्बरको मोटरसाइकलमा चढेर रक्सौलबाट वीरगञ्जतर्फ आउँदै गरेका चितरञ्जन र केशरीलाई शंका लागेर चेकजाँच गर्दा दुई हजार दरका एक हजार ५९० थान भारतीय नोटसहित प्रहरीले दुबै जनालाई पक्राउ गरेको पर्साका प्रहरी उपरीक्षक रेवती ढकालले जानकारी दिए । 

उनले बरामद रुपैयाँको स्रोत चितरञ्जन र केशरीले बताउन नसकेपछि आवश्यक कारबाहीका लागि राजश्व अनुसन्धन विभाग हरिहर भवन काठमाडौं पठाउन लागिएको जानकारी दिए । रासस
 



प्रतिक्रिया