वेगनास तालमा वेपत्ता ६ जनाको शव फेला 

Begnas_Lake_Pokhara.jpg

काठमाडौं-वेगनास तालमा शनिबार डुङ्गा पल्टिएर वेपत्ता भएका ६ जनाको शव फेला परेको छ । नेपाल आर्मीमा कार्यरत नवल परासी गैडाकोटका ३२ बर्षीय रवीलाल खनाल उनका आठ वर्षीय छोरा शंकर खनाल, उनकै छोरा सात शीव खनालको शव फेला परेको प्रहरीले जनाएको छ । 

त्यस्तै नवलपरासी गैडाकोटकी १७ वर्षीया मनिसा बजगाई, तनहुँका चारबर्षीय रञ्जीत गैरे तथा तनहुँकै पाँच बर्षीय प्राचिन गैरेको शव भेटिएको जिल्ला प्रहरी कार्यालय कास्कीका प्रमुख ओमबहादुर रानाले नेपाल समयलाइ जानकारी दिए ।

वेगनास तालमा डुङ्गाबाट लिम्दी गाँउमा आफन्त कहाँ तीजको कार्यक्रममा सहभागी हुन जाने क्रममा डुङ्गा पल्टिँदा उनीहरु बेपत्ता भएका थिए ।  
 



प्रतिक्रिया