प्रतिपक्षी नेतालाई जेल चलानको आदेश

Combodia_leader.jpg

कम्बोडिया- कम्बोडियाका राजा नरोद्दम सिंहामोनीले बिहीबार प्रतिपक्षी दलका प्रमुख नेतालाई जेल चलान गर्ने आदेश जारी गरेका छन्।
 
सानो प्रतिपक्षी दल खमेर पावर पार्टीका नेता सौर्न सेरेइ राधालाई जेल चलानको आदेश भएको हो।
 
दरबारको आदेशमा ४५ वर्षीय राधालाई पाँच वर्ष जेल सजाय तोकिएको छ।
 
'नरेशको आदेश कार्यान्वयन गराउने जिम्मेवारी प्रधानमन्त्री सम्देच टेचो हुन सेनको हुनेछ,' आदेशमा उल्लेख छ। 

शान्ति सुरक्षामा बाधा पुर्याएको बताउँदै गत वर्ष जेल चलान गरिएका १२ जना विपक्षी कार्यकर्तालार्इ क्षमादान दिने विषयमा पनि प्रधानमन्त्री हुन सेनले राजासँग कुरा गर्ने बताएका छन्। 

दक्षिणी केन्डाल प्रान्तमा बिहीबार आयोजित कपडा उद्योगका हजारौं कामदारको भेलामा उनले कुनै वैदेशिक दबाबमा नपरी आफ्नै क्षमाभावले उनीहरूलाई क्षमादान गर्न लागिएको दाबी गरे।



प्रतिक्रिया