भारतीय प्रधानमन्त्री मोदी पास, विपक्षीको प्रस्ताव 'फेल'

Narendra_Modi_2.jpg

नयाँ दिल्ली- भारतीय विपक्षी दल भारतीय राष्ट्रिय कंग्रेसले प्रधानमन्त्री नरेन्द्र मोदीविरद्ध संसदमा दर्ता गरेको अविश्वासको प्रस्ताव फेल भएको छ। शुक्रबार करिब ११ घण्टा लामो बहसपछि प्रधानमन्त्री मोदीले संसदमा आफ्नो बहुमत रहेको सावित गरेका छन्। 

संसदमा जम्मा खसेको ४५१ मतमध्ये प्रस्तावको पक्षमा जम्मा १२६ मत परेको छ भने प्रधानमन्त्री मोदीको पक्षमा अथवा प्रस्तावको पक्षमा ३२५ मत खसेको बीबीसीले जनाएको छ।

भोटिङ हुनुभन्दा पहिले प्रधानमन्त्री मोदीलार्इ संसदलार्इ सम्बोधन गर्दै विपक्षी कंग्रेससँग मोदी हटाउँ एकमात्र मुद्दा भएको बताएका थिए। त्यस समयमा विपक्षीले संसदमा नाराबाजी जारी राखेका थिए। 

संसदमा प्रधानमन्त्री मोदीकाविरुद्ध बिहीबार अविश्वासको प्रस्ताव दर्ता गरिएको थियो। 

विपक्षी दल कँग्रेसले उक्त प्रस्ताव दर्ता गराएसँगै संसद् चल्न नदिने भन्दै संसदमा अवरोध गरेकव थियो।  सरकार कुनै पनि दलले उठाएका जुनसुकै विषयमा पनि छलफल गरी त्यसबाट समाधान निकाल्न तयार भएको भन्दै संसद् चल्न दिन आग्रह गरेसँगै संसद सुचारु भएको थियो। 

भारतीय संसद्मा प्रधानमन्त्री मोदीका विरुद्ध बिहीबार प्रतिपक्षी दल कँग्रेसले अविश्वासको प्रस्ताव दर्ता गराएको भोलि पल्ट शुक्रबार तल्लो सदन लोकसभाको वर्षे अधिवेशनअन्तर्गतको बैठकमा सहभागी हुने क्रममा संसद भवनको बैठक कक्षमा भारतीय राष्ट्रिय कँग्रेसका अध्यक्ष राहुल गान्धीले मोदीलाई अंकमाल गरेको विषयले निकै चर्चा पायो। 

 



प्रतिक्रिया