राष्ट्रपतिबाट टीका ग्रहण

/assets/plugins/bower_components/fileman/Uploads/prez_teeka.jpg


काठमाडौं - हिन्दूहरुको महान् चाड बडा दसैंको दशमीका दिन आज मान्यजनबाट टीका, जमरा र प्रसाद लगाइँदै छ। 
राष्ट्पति विद्यादेवी भण्डारीले शीतल निवासमा हनुमानढोकाका मूल पूजारीबाट टीका र प्रसाद ग्रहण गरेकी छन्। यस्तै उनले आफन्तबाट टीका ग्रहण गरेकी छन्। 

उपराष्ट्रपति नन्दबहादुर पुनले बुबा रामसुर पुनको हातबाट टीका ग्रहण गरेका छन् ।
सर्वसाधारण नेपालीले मान्यजन र आफन्तबाट टीका र आशीर्वाद ग्रहण गरिरहेका छन् ।

https://www.nicasiabank.com/
टीकाको शुभसाइत बिहान १०ः३५ मा भए पनि आज दिनभर मान्यजनको हातबाट टीका र प्रसाद ग्रहण गर्न शुभ मानिन्छ । दसैंको टीका कोजाग्रत पूर्णिमाका दिनसम्म लगाउने चलन छ । 
दसैंमा दक्षिणाका रुपमा नयाँ नोटका साथै नयाँ कपडा, फलफूल र अन्य सामग्री उपहार दिने चलन छ। 
काठमाडौँ उपत्यकाका सडकमा टीका थाप्न जाने आउनेको चहलपहल शुरु भएको छ । दसैंको  बिदा र काठमाडौँ बाहिर दसैं मान्न ठूलो सङ्ख्यामा मानिस गएकाले राजधानी सुनसान छ । 

प्रधानमन्त्रीले टीका लगाइदिने समय ४ देखि ७
प्रधानमन्त्री केपी शर्मा ओलीले सर्वसाधारणलाई आज  दिउँसो ४ बजेदेखि साँझ ७ बजेसम्म टीका लगाउने भएका छन्। आफ्ना पिताको हातबाट टीका ग्रहण गरेपछि ओलीले अहिले विशिष्ट व्यक्ति र पार्टीका नेताहरुलाई टीका लगाउँदैछन्।

प्रतिक्रिया