नेपाल हङकङविरुद्ध टस जितेर फिल्डिङ गर्दै 

/assets/plugins/bower_components/fileman/Uploads/cricket.jpg

काठमाडौं– ओमानमा जारी पाँच राष्ट्रबीचको टी–२० क्रिकेट सिरिजअन्तर्गत पहिलो खेलमा नेपालले हङकङविरुद्ध फिल्डिङ गर्ने भएको छ।

अल अम्रेट क्रिकेट मैदानमा टस जितेको नेपालले पहिले फिल्डिङ गर्ने निर्णय गरेको हो। गत साता सिंगापुरमा त्रिकोणात्मक टी–२० सिरिज खेल्दै ओमान पुगेको नेपाली टोली हङकङलाई पराजित गर्दै सुखद सुरुवात गर्ने चाहन्छ। पहिलो जितको खोजीमा रहेको हङकङ नेपालमाथिको दबदबा कायमै राख्ने रणनीतिमा छ। 

https://www.nicasiabank.com/
पछिल्ला दुई टी–२० अन्तर्राष्ट्रियमा नेपालले हङकङलाई पराजित गर्न सकेको छैन। सन् २०१४ को टी–२० विश्वकपमा भने नेपालले हङकङलाई ८० रनले पराजित गरेको थियो। हालसम्म नेपाल र हङकङ सात पटक ती–२० अन्तर्राष्ट्रियमा आमने सामने हुँदा तीन खेल नेपाल र चार खेल हङकङले जितेको छ। 

पहिलो जितको खोजीमा रहेको हङकङले आफ्नो पहिलो खेलमा ओमानसँग ७ विकेटले पराजय भोगेको थियो। त्यसैले हङकङ आफ्नो दोस्रो खेलमा नेपाललाई पराजित गर्दै प्रतियोगितामा फर्किन चाहन्छ।
 

प्रतिक्रिया