विश्‍वमा आज : कहाँ के-के भयो ?

/assets/plugins/bower_components/fileman/Uploads/world_copy_1.png

१. उत्तर कोरियाले पनडुब्बी मिसाइल परीक्षण गरेको छ । उसले यो वर्ष पूर्वी समुद्री क्षेत्रबाट परीक्षण गरेको ११ औं मिसाइल हो ।

२. बंगलादेशी प्रधानमन्त्रीका अनुसार उनीसँग मुलुकका विभिन्न उच्च निकायमा जिम्मेवारी लिएर बसेका सरकारी कर्मचारीहरु सबैको कालाकर्तुतहरुको संकलन आफूसँग रहेको बताएकी छन् ।

३. हङकङ सरकारले अनुहार ढाक्ने कुनै पनि बस्त्र मुख्यगरी ‘फेसमास्क’ पहिरन नपाउने गरी सार्वजनिक उर्दी जारी गरेको छ ।

४. इरानको शीर्ष नेतृत्वले अन्तर्राष्ट्रिय समुदायसँग आफूले आणविक अस्त्र र अन्य आणविक कार्यक्रमसँग जोडिएका सम्पूर्ण सहमति र सम्झौताहरु त्याग्दै जाने बताएको छ ।

५. बेलायती बोरिश जोनसनले आयरल्याण्डलाई सम्पूर्ण ढंगले बेलायतको मुलधार अर्थतन्त्रसँग जोड्ने एउटा योजना अगाडि सारेका छन् । जसले बेलायत युरोपेली संघबाट सजिलै बाहिरिन मद्दत गर्ने अपेक्षा गरिएको छ ।

https://www.nicasiabank.com/
६. अमेरिकी संसदकी सभामुख नेन्सी पेलोसीले ट्रम्पको महाअभियोगबारे सम्भव भएका सम्पूर्ण तथ्यांक र प्रमाणहरुको नियमित खोजबिन गरिरहने अठोट लिएकी छन् ।

७. प्यालेस्टाइनी विदेशमन्त्री रियाद मल्कीले अमेरिका र इजरायल मिलेर अन्तर्राष्ट्रिय शरणार्थी संगठन र त्यसका ईकाईहरुलाई एकएक गरी नियोजित ढंगले कमजोर पार्दै लाने प्रयत्न जारी राखेको आरोप लगाएका छन् ।

८. बंगलादेशमा प्याजको हाहाकार भएका कारण त्यहाँको समाजका बर्गहरु प्रष्ट चिनिन छाडेको एउटा अध्ययनले जनाएको छ । त्यसका अनुसार मध्यम बर्ग, निम्न मध्यम बर्ग र निम्न बर्ग बजारको एउटै इकाईमा घुलमिल भएर किनमेल गरिरहेको पाइएको छ ।

९. दुई कोरियाबीचको गैरसैन्य क्षेत्रमा अफ्रिकी स्वाईन फिबरबाट मृत्यु भएको एउटा जंगली सुंगुर फेला परेको छ ।

१०. अस्ट्रेलियाको क्वीन्स्ल्याण्ड राज्यमा विश्व अत्यधिक घातक विषालु च्याउ प्रजातिको पोइजन फायर कोरल्स नामको वनस्पती भेटिएको छ । जापान र कोरियाको रैथाने मानिएको यस वनस्पती अस्ट्रेलियामा पनि भेटिएको हो ।
 

प्रतिक्रिया