जनकपुर अञ्चल अस्पतालमा अख्तियारको छापा

/assets/plugins/bower_components/fileman/Uploads/post_images/2019, January/Setpember/akhatiyar_xapa.jpg

जनकपुरधाम – अख्तियार दुरुपयोग अनुसन्धान आयोगको टोलीले जनकपुर अञ्चल अस्पतालमा छापा हानेको छ। आयोगको बर्दिवासस्थित कार्यालयबाट पुगेको टोलीले मंगलबार जनकपुर अञ्चल अस्पतालमा छापा हानेको हो।

अस्पतालमा विभिन्न उपकरण खरिदसहित अन्य कतिपय शीर्षकमा अनियमितता भएको उजुरीको आधारमा अख्तियारले छापा हानेको बताइएको छ।

अख्तियारका बर्दिवास कार्यालयका प्रवक्ता हरिप्रसाद शर्माले कार्यालयमा परेको उजुरीको आधारमा अख्तियारको टोली अनुगमनका लागि अस्पताल पुगेको जानकारी दिए।

https://www.nicasiabank.com/
टोलीले मेडिकल सुपरिटेन्डेन्ट डा.नागेन्द्र यादव, डा.जामुन सिंह, डा.कुलदिप पण्डित, लेखा अधिकृतलगायतका कर्मचारीहरुसँग झण्डै तीन घण्टा सोधपुछ गरेको छ। साथै अख्तियारको टोली अस्पतालको स्टोर शाखामा पुगेरसमेत जानकारी लिएको बताइएको छ।

अस्पतालका महंगा उपरकरणका साथै टेबल, कुर्सीलगायतका फर्निचर खरिदमा अनियमितता भएको भन्दै दर्ता भएको उजुरीको आधारमा अख्तियारले छापा हानेको बुझिएको छ। अख्तियारको टोलीले छानबिनका लागि अस्पतालबाट केही फाइलहरु समेत नियन्त्रणमा लिएको छ।

अस्पतालमा नियमविपरित कर्मचारी भर्ना गरिएको भन्दै पटक पटक विरोध भएको थियो। नियमविपरित भर्ना गरिएका कर्मचारी हटाउन प्रदेश सरकारले निर्देशनसमेत दिएको थियो।

प्रतिक्रिया