गूगलले प्ले स्टोरबाट २९ एप्स हटायो 

/assets/plugins/bower_components/fileman/Uploads/google_copy.jpg

संदेहात्मक देखिएका २९ वटा एप्सहरु गूगलले आफ्नो प्ले स्टोरबाट हटाएको छ । 

यि सबै एप्सहरु मिलाएर कुल एक करोडभन्दा बढी पटक डाउनलोड भइसकेका थिए । साइबर सुरक्षामा सक्रिय क्विक हील सिक्योरिटी ल्याब्सले आफ्नो रिपोर्टमा गूगलले ‘मालिशियस एप्स’ प्ले स्टोरबाट हटाएको उल्लेख गरेको छ । 

यसमध्ये ‘मल्टिएम मल्टिपल अकाउन्टस् साइमल्टेनियसली’ नामक एप त ५० लाखभन्दा धेरै पटक डाउनलोड भएको थियो । 

https://www.nicasiabank.com/
२९ एप्समध्ये २४ को आइकन डाउनलोड गरिसकेपछि हराउँथे तर, होमस्क्रिनमा तीनको शर्टकट बन्थ्यो । जसका कारण यूजरलाई ड्र्याग एण्ड डिलिट गर्न सुविधा उपलब्ध हुँदैनथ्यो । 

क्विकहीलका अनुसार बाँकी पाँच एप्स एडवेयर हुन् । यि सामान्यतया यूट्यूब या फेसबुकमा देखिने विज्ञापनबाट इन्स्टल हुन्छन् । यिनमा यूजरलाई एक्सरे स्क्यानिङ जस्ता अविश्वसनीय सुविधाको लोभ देखाएर एप डाउनलोड गर्न लोभ्याइन्छ । तर, मोबाइलमा विज्ञापन देखाउनका लागि बनाइएका यि एप्सले फोनको ब्याट्री चाँडै सक्काउने र डेटा धेरै खाने गर्छन् । यिमध्ये केहीले पोर्नोग्राफिक कन्टेन्ट शेयर र फर्वर्ड समेत गर्थे । 

लन्च हुँदावित्तिकै केही एपले क्यामरा खोलिदिन्छन् र यूजरलाई फ्ल्यास, लाइट, ग्यालरी जस्ता अप्सन देखाउँछन् । तर, यूजरले जसै यिमध्ये कुनैमा क्लिक गर्छ तब यि फूलस्क्रिन मोडमा विज्ञापन देखाउन थाल्छन् । जसमा बन्द गर्ने कुनै अप्सन हुँदैन । 

प्रतिक्रिया