भोटेबहालमा बसको ठक्करबाट साइकल यात्रीको मृत्यु

/assets/plugins/bower_components/fileman/Uploads/post_images/2019, January/Setpember/cycle_accident_ns.jpg

काठमाडौं- काठमाडौंको भोटेबहालमा बसको ठक्करबाट साइकल यात्रीको मृत्यु भएको छ । 

बुधबार बिहान त्रिपुरेश्वरबाट कालिमाटी जादै गरेको बा ५ ख ७३९१ नम्बरको बसले साइकल यात्रीलाई ठक्कर दिएको हो ।

बसको ठक्करबाट गम्भीर घाइते भएका साइकल यात्री पर्सा ब्रम्हपुर नगरपालिका–३ का ३५ वर्षका भिम लामाको उपचारका क्रममा मृत्यु भएको प्रहरीले जनाएको छ ।
https://www.nicasiabank.com/

प्रहरीका अनुसार बसले ठक्कर दिए लगतै उनलाई उपचारका लागि वीर अस्पताल लगिएको थियो । उनको अस्पतालमै उपचारका क्रममा मृत्यु भएको हो ।

ठक्कर दिने बसलाई प्रहरीले नियन्त्रणमा लिएको छ। घटनाका बारेमा अनुसन्धान भइराखेको जनाइएको छ । 

प्रतिक्रिया