कर्णालीमा सबै नागरिकको विपत् दुर्घटना बिमा

/assets/plugins/bower_components/fileman/Uploads/yadav.jpg

सुर्खेत– कर्णाली सरकारले प्रदेशका सबै नागरिकको समूहिक दुर्घटना विमा गरेको छ । 

कर्णाली प्रदेश सरकारको आन्तरिक मामिला तथा कानून मन्त्रालय र राष्ट्रिय बीमा कम्पनी लिमिटेडबीच बुधवार दुर्घटना विमा सम्झौता भएको छ। 

प्रदेश सरकार र कम्पनीसँग सम्झौता भएसँगै यहाँका हरेक नागरिकको स्वत: दुर्घटना बिमा भएको छ । यसबाट कर्णालीका १७ लाख ७० हजार नागरिक लाभान्वित हुनेछन् ।

अबदेखि कुनै पनि नागरिकको प्राकृतिक प्रकोपबाट मृत्यु भएमा मृतकका परिवारले रु. एक लाख राहत पाउने छन् । 

बाढीपहिरो, भूक्षय, हिउँ, असिना, चट्याङ्ग र हावाहुरीबाट नागरिकको मृत्यु भएमा कम्पनीले मृतकका परिवारलाई राहत दिने छ । 

परिवारले राहत पाउनको लागि भने स्थानीय तह र प्रहरी प्रशासनले विपतबाट मृत्यु भएको भनेर सिफारिस गर्नुपर्ने छ । 

घरको समेत बीमा
https://www.nicasiabank.com/
त्यस्तै प्रदेश सरकारले कर्णालीका दश हजार जोखिमपूर्ण घरहरुको समेत विमा गरेको छ । 

जोखिमग्रस्त क्षेत्रका निजी आवासीय भवनको सम्पत्ति बीमा अन्तरगत घरहरुको बिमा गरिएको हो । 

घरहरुको बिमा गरेका परिवारले पनि आगलागी बाढीपहिरो लगायतका प्राकृतिक प्रकोपबाट घरमा क्षति पुगेको खण्डमा रु. ५ लाख क्षतिपूर्ति पाउने छन् । 

घरहरुको विमा गर्नका लागि स्थानीय विपत् व्यवस्थापन र जिल्ला विपत् व्यवस्थापन समितिले सिफारिस गर्नुपर्ने छ । 

कार्यक्रमलाई सम्बोधन गर्दै कर्णाली प्रदेशका मुख्यमन्त्री महेन्द्रबहादुर शाहीले कर्णाली प्राकृतिक प्रकोपको उच्च जोखिममा रहेको भन्दै नागरिकलाई राहतको अनुभूति गराउन सामूहिक बीमा गरिएको बताए । 

बीमा कम्पनीका प्रमुख कार्यकारी अधिकृत डा। डिल्लीराज अर्यालले समाजवाद उन्मुख अर्थतन्त्रलाई टेवा पुर्‍याउन सामूहिक दुर्घटना बीमा सहयोगी हुने बताएका थिए ।
 

प्रतिक्रिया