सन्दीपले मेलवर्न स्टार्सबाटै खेल्ने पक्का 

/assets/plugins/bower_components/fileman/Uploads/post_images/2019, January/Setpember/sandeep_lamichhane.jpg

काठमाडौं – नेपाली राष्ट्रिय क्रिकेट टिमका लेग स्पिनर सन्दीप लामिछानेले अष्ट्रेलियाको चर्चित फ्रेन्चाइज क्रिकेट लिग बिग बास (बीबीएल) पुनः मेलवर्न स्टार्सबाटै खेल्ने पक्का भएको छ।

गत सिजन उत्कृष्ट प्रदर्शन गरेका सन्दीप र मेलवर्नबीचको आधिकारीक सम्झौता भने हुन बाँकी रहेको छ। नयाँ सम्झौताका लागि सन्दीप र मेलवर्नबीच प्रारम्भिक प्रक्रिया अघि बढेको हो। 

https://www.nicasiabank.com/
मेलवर्नका प्रशिक्षक डेभिड हस्सीले पनि सन्दीप यस सिजन मेलवर्नमै रहने बताएका छन्। ‘गत सिजन सन्दीपले उत्कृष्ट प्रदर्शन गरेका थिए। यस सिजन उनले थप सुधार गर्नेमा विश्वस्त छु। सन्दीपसँग ओपनिङ, मिडल र डेथ ओभर जुनै समय पनि बलिङ गर्ने क्षमता छ,’ हस्सीले अष्ट्रेलियाका संचारमाध्यमसँग भनेका छन्। 

तर, सन्दीपले बंगलादेश प्रिमियर लिगसँगको समय मिलाएर मात्र मेलवर्नसँग सम्झौता गर्ने बताइएको छ। गत सिजन बीबीएलमा मेलवर्नबाट डेब्यू गरेका सन्दीपले डेब्यु सिजनको ८ खेलमा ११ विकेट हात पारेका थिए।

प्रतिक्रिया