बेलायती आप्रवासन नीतिमा परिवर्तन, विद्यार्थीहरुलाई फाइदा

/assets/plugins/bower_components/fileman/Uploads/student.jpg

बेलायतमा अध्ययन गर्ने अन्य देशका विद्यार्थीहरुले पढाई सकिएको दुई वर्षसम्म त्यहीँ रहेर रोजगार खोज्न पाउने पाउने भएका छन् । बेलायतको गृहमन्त्रालयले गरेको नयाँ कानुनको प्रस्तावमा यसको घोषणा गरिएको छ । 

यो नयाँ प्रस्तावबाट पढाई पूरा गरेको चार महिनापछि बेलायत छोड्नै पर्ने सन् २०१२ मा तत्कालीन गृहमन्त्री टेरीजा मेले ल्याएको नियममा परिवर्तन हुनेछ । 

बेलायतका प्रधानमन्त्री बोरिस जनसनले परिवर्तित यो कानुनका कारण विद्यार्थीहरुलाई आफ्नो क्षमता उजागर गर्ने र बेलायतमा करिअर शुरु गर्ने अवसर प्राप्त हुने बताएका छन् । 
यद्यपि, एउटा अभियानी समूह ‘माइग्रेशन वाच’ ले यसलाई ‘प्रतिगामी कदम’ भनेको छ ।

https://www.nicasiabank.com/
नयाँ कानुन ती सबै विदेशी विद्यार्थीहरुमा लागू हुने छ जो बेलायतमा अगामी वर्षदेखि ग्राजुएशन या त्यो भन्दा माथिल्लो स्तरको अध्ययन शुरु गर्नेछन् । 

बेलायती विश्वविद्यालयका चीफ एग्जिक्युटिव ऐलिस्टर जार्विसले पनि नयाँ निर्णयको स्वागत गरेका छन् । उनले यो निर्णयबाट बेलायतको अर्थव्यवस्थामा सुधार आउने र बेलायत विद्यार्थीहरुको पहिलो छनोटमा पर्ने बताएका छन् । 

बेलायतमा अहिले करिब साढे चार लाख विदेशी विद्यार्थी अध्ययनरत छन् । 
 

प्रतिक्रिया