'विदेशी कम्पनीले नेपालमै २५ प्रतिशत बढी नाफा कमाउँछन्'

/assets/plugins/bower_components/fileman/Uploads/post_images/2019, January/August/yubraj_khatiwada.jpg

फाइल तस्बिर।

काठमाडौं - अर्थमन्त्री युवराज खतिवडाले नेपालमा लगानी गरेका विदेशी कम्पनीहरुले २५ प्रतिशत भन्दा बढी नै नाफा कमाएको बताएका छन्। काठमाडौंमा सुरु भएको पूर्वाधार सम्मेलनमा बोल्दै उनले अन्य देशमा लगानीगर्दा १० प्रतिशत भन्दा बढी विदेशी लगानीकर्ताहरुले नाफा कमाएको अवस्था नभएको तर नेपालमा भने विदेशी लगानीकर्ताले २५ प्रतिशत भन्दा बढीसम्म नाफा लगेको बताउँदै नेपालमा लगानीको वातावरण राम्रो रहेको दाबी गरे। 

उनले विदेशी लगानीलाई आकर्षित गर्नको लागि नेपालले विभिन्न कामहरु गरिरहेको बताउँदै भने, 'हामीले विदेशी लगानीकर्ताको हितलाई मध्यनजर राख्दै हेजिङको व्यवस्थापनदेखि बैदेशिक लगानी ऐन लगायतको ऐन र नियमहरु संशोधन गरिएको छ, कतिपय ऐनहर मन्त्रिपरिषद्मा र संसदमा छलफलको लागि राखिएको छ।'

अर्थमन्त्री खतिवडाले सामाजिक सुरक्षा लगायतको लागि सरकारले बजेटको १४ प्रतिशत रकम खर्च गरेको र दक्षिण एसियामा नै सबैभन्दा बढी खर्च गर्ने देशको रुपमा नेपाल रहेको बताए। 'नेपालमा लगानीका लागि विभिन्न कम्पनीहरु आइरहेका छन् तर उनीहरुले जहाँनेर लगानी चाहिएको हो त्यहाँ लगानी गरिरहेका छैनन्', उनले भने 'सरकारले लगानीकर्ताको जोखिम कम गर्नको लागि विभिन्न तहबाट काम गरिरहेको बताए। 

https://www.nicasiabank.com/
उनले भने, ‘जोखिम जति सरकारले लिने अनि फाइदा जति निजी क्षेत्रले लिने ? यो मिल्दैन। नीजी क्षेत्र र सरकार दुवैले विन-विन पोजिसनमा काम गर्नुपर्छ।’
 
नेपालमा पूर्वाधार विकासको लागि पूँजीको खाँचो रहेकोले उनले यसमा लगानी बढाउन निजी क्षेत्र, विदेशी लगानीकर्ताहरु र दाताहरुलाई आग्रह गरे । 

यसैगरी लगानी बोर्डका पूर्व सिईओ राधेश पन्तले पूर्वाधार परियोजना भनेको दीर्घकालिन योजना भएको र यसमा दीर्घकालिन रुपमा नै फाइदा हुने बताए।

प्रतिक्रिया