प्रचण्डका घरबेटीलाई मेलम्चीको ठेक्का

/assets/plugins/bower_components/fileman/Uploads/post_images/2019, January/Setpember/prachada_gharbeti.jpg

काठमाडौं- राजधानीबाट प्रकाशित बुधबारका अधिकांश राष्ट्रिय दैनिक अखबारहरुले भारतबाट पाइपलाइनमार्फत पेट्रोलियम पदार्थ आउन सुरु गरेको विषयलाई प्राथमिकताका साथ छापेका छन् ।
 
मंगलबार नेपालका प्रधानमन्त्री केपीशर्मा ओली र भारतीय प्रधानमन्त्री नरेन्द्र मोदीले आ–आफ्नो देशबाट स्विच अन गरेर पाइपलाइनको उद्घाटन गरेका थिए ।

पाइपलाइनबाट तेल आउन सुरुगरेपछि पेट्रोलियम पदार्थको लागत सस्तो हुने, ट्यांकरबाट ढुवानी गर्दा बाटोमा हुने चोरी, चुहावट र मिसावट रोकिने विश्वास लिइएको छ ।
 
पाइपबाट प्रतिघण्टा २ लाख ९४ हजार लिटरका दरले तेल आउने क्षमता छ भने हाल १ लाख ९२ हजार लिटर तेल आपूर्ति भइराखेको छ । नेपालको दैनिक माग थेग्न यो पाइपलाइनलाई दैनिक १८ घण्टाका दरले चलाउनु पर्ने देखिन्छ ।
 
यसै विषयलाई मुख्य समाचार बनाउँदै आजको अन्नपूर्ण पोस्ट्ले पाइपबाट इन्धन शीर्षकमा खबर छापेको छ । नागरिक दैनिकले सुरु भयो पाइपबाट डिजेल ढुवानी शीर्षकमा खबर लेखेको छ । कारोबार दैनिकले नेपाल भारत पाइपलाइन उद्घाटन शीर्षकमा खबर छापेको छ ।
 
https://www.nicasiabank.com/
यो बाहेक आजको नागरिक दैनिकले सत्तारुढ दल नेकपाका अध्यक्ष पुष्पकमल दाहाल प्रचण्डका घरबेटी शारदा अधिकारीलाई मेलम्चीको ठेक्का दिएको विषयलाई पनि प्राथमिकताका साथ छापेको छ।

उनलाई मेलम्चीको पाइपलाइन विस्तार र ओभरहेड ट्यांकी निर्माण गर्ने ठेक्का दिइएको छ ।
 
शैलुङ कन्स्ट्रक्सनका सञ्चालक अधिकारीलाई मेलम्ची खानेपानी आयोजनाको बुढानिलकण्ठ नगरपालिका क्षेत्रको पाइपलाइन विस्तार तथा ओभरहेड ट्याङकी निर्माणको ठेक्का दिइएको हो ।

एक अर्ब ४१ करोड ६९ लाख २२ हजार ७६० रुपैयाँमा अनामनगरस्थित आयोजना निर्देशनालय कार्यालयले शैलुङ कन्स्ट्रक्सन कम्पनीसँग ठेक्का सम्झौता गरेको छ ।
 
अन्नपूर्णले भने चिनियाँ विदेशमन्त्री स्वदेश फर्किएको र संसदीय समितिले वाइडबडी घोटाला काण्डमा त्यसको भार घटाएवापत साँवा ब्याजसहित मूल्य भराउन निर्देशन दिएको विषयलाई पनि महत्वका साथ छापेको छ।

प्रतिक्रिया