प्रहरी भन्दै किशोरी अपहरण गर्ने तीन जना पक्राउ

/assets/plugins/bower_components/fileman/Uploads/post_images/2019, January/August/baltka_pakrau.jpg

धनगढी - धनगढीमा नक्कली प्रहरी बनेर मध्यरातमा किशोरीको अपहरण गर्ने तीन जना पक्राउ परेका छन्। किशोरीको अपहरण गरेको आरोपमा धनगढी उपमहानगरपालिका वडा नम्वर १६ का २९ वर्षीय लोकेन्द्र खडायत, सोही ठाउँका २१ वर्षीय अनिल राना र २२ वर्षीय सन्दिप रानालाई प्रहरीले पक्राउ गरेको हो।

गत भदौ २१ गते राति १२ बजे धनगढीको जाखोर ताल नजिककी १६ वर्षीय किशोरीलाई उनीहरुले आफुहरु प्रहरी भएको भन्दै लगेका थिए। एउटा घटनाको अनुसन्धानका लागि जिल्ला प्रहरी कार्यालय कैलाली लैजानुपर्ने भन्दै तीनै जनाले किशोरीको अपहरण गरेका थिए।
https://www.nicasiabank.com/

भदौ २२ गते राति प्रहरीले उनीहरुलाई वडा नम्वर १६ बाट पक्राउ गरि किशोरीको उद्धार गरेको हो। किशोरीको स्वास्थ्य परीक्षण गरि आफन्तलाई बुझाइएको छ। तीन जनाविरुद्ध भने अपहरण, शरीर बन्धक र जवरजस्ती करणीमा मुद्दा दर्ता गरिएको जिल्ला प्रहरी कार्यालय कैलालीका प्रहरी नायव उपरीक्षक दक्षकुमार बस्नेतले बताए।

प्रतिक्रिया