पहिलो हाफमा चाइनिज ताइपेईविरुद्ध नेपाल १-० ले अघि 

/assets/plugins/bower_components/fileman/Uploads/post_images/2019, January/Setpember/nepal_chinese_taipei.jpg

काठमाडौं– सन् २०२२ मा कतारमा हुने फिफा विश्वकप छनोट अन्तर्गत चाइनिज ताइपेईविरुद्धको खेलको पहिलो हाफमा नेपालले १–० को अग्रता बनाएको छ । 

खेलको तेस्रो मिनेटमा नै सुजल श्रेष्ठको फ्रिकिकमा अन्जनले हेड गोल गर्दै नेपाललाई १–० को अग्रता दिलाए। एक गोलले पछि परेपछि निकै आक्रामक रुपमा खेलेको ताइपेईले खेलमा केही अवसर श्रृजना गरेपनि त्यसलाई गोलमा परिणत गर्न सकेन। 

नेपाली पोस्टमा ताइपेईले गरेका सशक्त दुई प्रहारलाई गोलरक्षक किरण चेमजोङले उत्कृष्ट बचाउ गरेका थिए। यता नेपालले पनि थप अवसरलाई गोलमा परिणत गर्न सकेन। 
https://www.nicasiabank.com/

विश्वकप एसिया छनोट अन्तर्गत नेपालले चाइनिज ताइपेईविरुद्ध आफ्नो दोस्रो खेल खेल्दैछ। छनोट अन्तर्गत आफ्नो पहिलो खेलमा नेपाल कुवेतसँग ७–० को फराकिलो अन्तरले पराजित भएको थियो।
 

प्रतिक्रिया