नेपाल नादेझ्दा कपको फाइनलमा

/assets/plugins/bower_components/fileman/Uploads/sports/football/nepal-copy_1.jpg

काठमाडौं- नेपाली राष्ट्रिय महिला फुबल टोली किर्गिस्तानमा जारी नादेझ्दा कप फुटबलको फाइनलमा प्रवेश गरेको छ। मंगलबार भएको लिगको अन्तिम खेलमा ताजिकिस्तानलाई १-० गोल अन्तरले पराजित गर्दै नेपालले प्रतियोगिताको फाइनलमा स्थान पक्का गरेको हो।

नेपाललाई जित दिलाउन खेलकोग एक मात्र गोल स्टार स्ट्राइकर सावित्रा भण्डारीले गरिन्। पहिलो हाफमा गोल रहित बराबरी भएको खेलको दोस्रो हाफमा सावित्राले गोल गरेकी हुन्। उनले खेलको ८६ औँ मिनेटमा गोल गर्दै नेपाललाई फाइनलमा पुर्‍याउन महत्वपूर्ण योगदन दिइन्। 

https://www.nicasiabank.com/
नेपालले पहिलो हाफको इन्जुरी समयमा गोल गरे पनि रेफ्रीले त्यसलाई अफसाइडको इसार गर्दै मान्यता दिएनन्। नेपालले यसअघिको एक खेलमा जित निकाल्न सफल भएको थियो भने एक खेलमा हार व्यहोरेको थियो।

नेपाल पहिलो खेलमा घरेलु टिम किर्गीस्तानसँग ८-२ गोलले विजयी हुँदा दोस्रो खेलमा भने नेपाल उज्वेकिस्तानसँग २-० ले पराजित भएको थियो। अब नेपालले उपाधिका लागि उज्बेकिस्तानको सामना गर्ने छ। उज्बेकिस्तानले यसअघि नै प्रतियोगिताको फाइनलमा स्थान बनाइ सकेको छ।

प्रतिक्रिया