बेल्जियमको जितमा डे ब्रुएनको प्रभावशाली प्रदर्शन

/assets/plugins/bower_components/fileman/Uploads/sports/football/De_Bruyne.png

एजेन्सी- मिडफिल्डर केभिन डे ब्रुएनले प्रभावशाली प्रदर्शन गरेपछि युरो कप छनोट अन्तर्गत बेल्जियमले फराकिलो जित निकालेको छ। सोमबार राति भएको खेलमा स्कटल्यान्डलाई ४-० ले पराजित गर्दै बेल्जियमले फराकिलो जित निकालेको हो। 

डे ब्रुएनले बेल्जियको लागि एक गोल गर्दा तीन असिस्ट गरेका थिए। उनले टोलीले पहिलो हाफमा ३-० बनाउँदा तीनै गोलमा असिस्ट गरेका थिए। त्यसपछि उनले खेलको अन्तिम आठ मिनेटमा एक गोल गरेका थिए। 

https://www.nicasiabank.com/
रोमेलु लुकाकुले नवौ मिनेटमा गोल गर्दै पाहुना टोली बेल्जियमलाई अग्रता दिलाएका थिए। २४ औं मिनेटमा थोमस वर्मालेने गा्ल गर्दै अग्रता दोब्बर बनाउँदा ३२ औं मिनेटमा टोबी एल्डरविरेल्डले गोल गर्दै बेल्जियमलाई पहिलो हाफमा ३-० को अग्रता दिलाए। त्यसपछि ८२ औं मिनेटमा डे ब्रुएनले गोल गर्दै बेल्जियमलाई ४-० को जित दिलाए। 

यसजितसँगै बेल्जियमले सतप्रतिशत जित निकाल्दै समुह ‘आई’ को शीर्ष स्थानमा रहेको छ। बेल्जियमको ६ खेलबाट १८ अंक रहेको छ। पराजित स्कटल्याण्डको ५ खेलबाट ६ अंक छ।

प्रतिक्रिया