अवैध भारुसहित एकजना पक्राउ  

/assets/plugins/bower_components/fileman/Uploads/post_images/2019, January/Setpember/abaidha_bharu.jpg

धनगढी - भारतबाट नेपालतर्फ ल्याउँदै गरेको २९ लाख ८० हजार अवैध रकमसहित प्रहरीले शुक्रबार दिउँसो एक जना भारतीय नागरिकलाई पक्राउ गरेको छ। धनगढी भन्सार नाकाबाट प्रहरीले पलिया खिरी घर भई धनगढी उपमहानगरपालिका-१ बस्ने अतुल बर्मालाई पक्राउ गरेको हो। 

यूपी ३१ एके ७३४८ नम्वरको कारबाट २५ लाख नेपाली र ३ लाख भारतीय रुपैयाँसहित बर्मालाई पक्राउ गरिएको जिल्ला प्रहरी कार्यालय कैलालीका प्रमुख प्रहरी उपरीक्षक सुदीप गिरीले जानकारी दिए।
https://www.nicasiabank.com/

विशेष सूचना पाएपछि नाकामा गाडी कुरेर बसेको प्रहरीले त्रिनगर भन्सार नाकामा इन्ट्री गरीसकेपछि गाडी नियन्त्रणमा लिएको हो। चालक बर्माले ५० हजार खल्तिमा र अन्य रकम गाडी भित्र लुकाएका थिए। यति धेरै रकम कहाँबाट र कसरी आयो भन्ने विषयमा थप अनुसन्धान भइरहेको प्रहरीले जनाएको छ।

प्रतिक्रिया