७३ वर्षीया भारतीय महिलाले जन्माइन जुम्ल्याहा बच्चा 

/assets/plugins/bower_components/fileman/Uploads/mangyamma.jpg

भारत, आन्ध्र प्रदेशको गुन्टूरमा ७३ वर्षीया महिलाले जुम्ल्याहा छोरी जन्माएकी छन् । 

बुधबार विहान १०ः३० बजे येरमति मंगायम्माले दुई शिशुलाई जन्म दिएको र शिशु र आमा स्वस्थ रहेको भारतीय सञ्चारमाध्यमहरुले जनाएका छन् ।  

सी–सेक्सन (शल्यक्रिया) बाट जन्मिएका बच्चालाई २१ दिनसम्म चिकित्सकको निगरानीमा राखिने चिकित्सकलाई उद्धृत गर्दै बीबीसीले जनाएको छ । 

येरमति मंगायम्मा संभवतः संसारमै सबैभन्दा धेरै उमेरमा सन्तान जन्माउने महिला हुन् । अहिलेसम्म अधिक उमेरमा बच्चा जन्माएको आधिकारिक रेकर्ड स्पेनकी मारिया डेल कार्मेन बाउसाडा लाराको नाममा छ, जसले ६६ वर्षको उमेरमा जुम्ल्याहा शिशु जन्माएकी थिइन् । 

वर्षौ अस्पतालको चक्कर

जुम्ल्याहा बच्चा पाएपछि मंगायम्माले खुशी हुँदै भनेकी छन्, “मानिसहरु मलाई बाँझी भन्ने गर्थे । मैले निकै पीडा सहेकी छु । त्यसैले यो उमेरमा भए पनि सन्तान जन्माउने निर्णय गरें । मेरो जीवनमा यो सबैभन्दा ठूलो खुशीको क्षण हो ।”

मंगायम्माका पति यरापति सीताराम राजारावले पनि सन्तान जन्मेको खुशी हुँदै चिकित्सकलाई धन्यवाद दिएका छन् । 
https://www.nicasiabank.com/

जीवनको धेरै समय अनेर्कौ अस्पतालमा चक्कर लगाएको र बच्चा जन्माउन अनेकौं तरिका अपनाएको भन्दै उनले नौ महिनादेखि अस्पतालमै बसिरहेको बताए ।

उमेर निकै भइसकेकाले मंगयम्माले चिकित्सकीय सहयोगबीना बच्चा पाउन सम्भव थिएन । 

गर्भधारणका लागि मंगायम्माले एक दाताबाट डिम्ब लिइन् र प्रयोगशालामा आईभीएफ विधिमार्फत उनका श्रीमान सीतारामको शुक्राणुबाट सेचन गराइयो । 

त्यसपछि बनेको भ्रूणलाई मंगायम्माको गर्भमा प्रतिस्थापित गरियो । अन्ततः उनी वृद्धावस्थामा गर्भवती भइन् ।  

धेरै उमेर भइसकेका महिलामा गर्भधारणको प्रक्रिया जटिल हुन्छ र त्यस्ता गर्भवती महिलाले अरुभन्दा धेरै सावधानी अपनाउनु पर्छ । 

प्रतिक्रिया