बेलायतका प्रधानमन्त्रीको आमनिर्वाचन गराउने प्रस्ताव अस्वीकृत

/assets/plugins/bower_components/fileman/Uploads/Jonson.jpg

बेलायत संसद्मा बोरिस जोनसोन । तस्बिर : एएफपी ।

काठमाडौं- बेलायतका प्रधानमन्त्री बोरिस जोनसनको समयअगावै आमनिर्वाचन गराउने प्रस्ताव सांसदहरूले अस्वीकृत गरेका छन् । 

हाउस अफ कमन्समा बुधबार आमनिर्वाचन गराउने प्रस्तावबारे भएको मतदानको पक्षमा आवश्यक दुईतिहाइ मत परेन । प्रस्तावको पक्षमा २९८ र विपक्षमा ५६ मत खसेको थियो । प्रस्ताव पास गर्न ४३४ मत आवश्यक थियो ।

सांसदहरूले सहमतिबिनाको ब्रेक्जिट रोक्न सक्ने विधेयक पारित गरेपछि प्रधानमन्त्रीले अक्टुवर १५ मा आमनिर्वाचनको प्रस्ताव पेश गरेका थिए । 

ब्रेक्जिट रोक्ने विधेयकबारे भएको मतदानको पक्षमा ३२७ र विपक्षमा २९९ मत खसेको थियो । 

https://www.nicasiabank.com/
यस्तै, ब्रेक्जिट विलम्ब गर्नुपर्ने प्रस्ताव गरिएको विधेयक पहिलो मतदान प्रक्रियाबाट पारित भएको थियो । विधेयकको पक्षमा ३३० मत र विपक्षमा ३०० मत खसेको थियो । 

पूर्वनिर्धारित कार्यतालिका अनुसार बेलायतले अक्टुबर ३१ मा युरोपेली संघ छाड्नुपर्नेछ । तर, बेलायतको संसद् ब्रेक्जिटको विपक्षमा देखिएको छ । 

ब्रेक्जिटको गतिरोध अन्त्य गर्ने दृढताका साथ करिब डेढ महिनाअघि प्रधानमन्त्री बनेका जोन्सन अहिले संसदमा अल्पमतमा परेका छन् । 

(एजेन्सीको सहयोगमा)
 

प्रतिक्रिया