सुर्खेतमा २२ वटा गाईको सामूहिक हत्या

/assets/plugins/bower_components/fileman/Uploads/post_images/2019, January/August/gai_hatya.jpg

सुर्खेत-  बिहीबार राति सुर्खेतमा ठूलो संख्यामा गाई मारिएका छन् ।  वीरेन्द्रनगरको कटकुवामा २२ वटा गाई मृत अवस्थामा र करिव ४०० गाई अलपत्र छोडिएको अवस्थामा फेला परेका हुन्।  

वीरेन्द्रनगर–१४ का स्थानीय कृष्णप्रसाद पोख्रेलका अनुसार बिहीबार राति कसैले ठूलो संख्यामा ट्रक तथा टिप्परमा गाई ल्याएर भीरबाट खसाइदिएको अनुमान गरिएको छ । 

ती गाई वीरेन्द्रनगरको वडा नं ४ ,७ र १४ को सिमामा भेटिएका हुन् । कानमा वीमा कम्पनीको ट्याग लगाइएका ती गाई कसले किन त्यहाँ ल्याएर फाल्यो भन्ने एकीन भइसकेको छैन । 

https://www.nicasiabank.com/
नेपालगञ्ज उपमहानगरपालिकाले दैलेखको कुनै नगर वा गाउँपालिकाका लागि पठाएका गाई त्यहाँ फालिएको हुनसक्ने प्रहरीको अनुमान छ ।

यसबारे थप अनुसन्धान भइरहेको जिल्ला प्रहरी कार्यालय सुर्खेतले जनाएको छ ।

प्रतिक्रिया