ड्राइभिङ लाइसेन्स बनाइदिने भन्दै ठगी गर्ने दुईजना पक्राउ

/assets/plugins/bower_components/fileman/Uploads/thgai.jpg

जनकपुरधाम– सवारी चालक अनुमति पत्रको परीक्षा उत्तीर्ण गराइदिने भन्दै ठगी गर्ने सर्लाहीका जितेन्द्र यादव र महोत्तरीका पंकजकुमार सिंहलाई प्रहरीले पक्राउ गरेको छ । 

सर्लाही मलंगवा नगरपालिका–११ बस्ने २५ वर्षीय जितेन्द्र यादव जनकपुरबाट पक्राउ परेका हुन् । 

जनकपुरधाम–८ स्थित याज्ञवल्क्य संस्कृत मावि ज्ञानकुपको मैदानमा भइरहेको ट्रायल परीक्षा पास गराइदिने भन्दै यादवले विभित्र व्यक्तिसँग रकम असुलेका थिए ।

प्रहरीका अनुसार पक्राउ परेका यादवले ट्रायल परीक्षा पास गराइदिने भन्दै धनुषा मिथिला नगरपालिका–६ बस्ने देवेन्द्र यादवसँग पाँच हजार, र सबैला–१० बस्ने अरुणकुमार पंजियारसँग सात हजार लिएका थिए । 

यादव र पंजियारले दिएको उजुरीको आधारमा यादवलाई पक्राउ गरिएको जिल्ला प्रहरी कार्यालय धनुषाका डीएसपी सन्तुलाल प्रसाद जैसवारले बताएका छन् ।

https://www.nicasiabank.com/
पक्राउ परेका यादवको साथबाट विभित्र व्यक्तिको सवारी चालक अनुमति पत्र बनाउन आवश्यक कागजात बरामद भएको प्रहरीले जनाएको छ ।

यसैगरी प्रहरीले महोत्तरीको महोत्तरी गाउँपालिका–२ बस्ने २८ वर्षीय पंकजकुमार सिंहलाई समेत पक्राउ गरेको छ । 

१० जनाको सवारी चालक अनुमति पत्र बनाइदिने भन्दै १ लाख ५१ हजार लिएको आरोपमा उनलाई प्रहरीले पक्राउ गरेको हो ।

पक्राउ परेका दुबैजनाविरुद्ध थप अनुसन्धान भइरहेको जिल्ला प्रहरी कार्यालय धनुषाले जनाएको छ ।
 

प्रतिक्रिया