मलेसियन क्लबसँग नेपालको लज्जास्पद हार

/assets/plugins/bower_components/fileman/Uploads/sports/football/nepal12.jpg

काठमाडौं- नेपाली राष्ट्रिय फुटबल टोलीले मलेसियाको लिग च्याम्पियन क्लब जोहोर डारुल टाजिमसँग लज्जास्पद हार ब्यहोरेको छ । सोमबार भएको खेलमा नेपालले जोहोरसँग १-० को लज्जास्पद हार ब्यहोरेको हो । 

सन् २०२२ मा कतारमा आयोजना हुने फिफा विश्वकप अन्तर्गत दोस्रो चरणको एसिया छनोटको तयारी स्वरुप नेपालले मलेसियन क्लबसँग मैत्रीपूर्ण खेललेको थियो । जोहोरको जितका लागि खेलको एक मात्र निर्णायक गोल निकोलस अवर्टोले गरे । 

उनले खेलको तीन मिनेट नबित्दै गोल गर्दै घरेलु टोलीलाई अग्रता दिलाएका थिए । पेनाल्टी क्षेत्र नजिकै पाएको फ्रि-किक निकोलसले सोझै गोल पोस्टमा प्रहार गर्दै गोलमा परिणत गरेका थिए । त्यसपछि आक्रमक बनेको नेपालले पाएको अवसलाई सदुपयोग गर्न सकेन् । 

https://www.nicasiabank.com/
खेलको ७३ औं मिनेटमा बिशाल राईले गरेको गोल रेफ्रीले अफसाईडको इसारा गर्दै मान्यता नदिएपछि नेपालले १-० को हार ब्यहोरेको हो । यस खेलमा नियमीत कप्तान विराज महर्जन नहुँदा टोलीको कप्तानी सुजल श्रेष्ठले सम्हालेका थिए । 

त्यस्तै नियमी सदस्य तथा गोलरक्षक किरण चेम्जोङ र रोहित चन्द पनि टोलीमा उपस्थित थिएनन् । किरण यतिबेला जे लिग खेल्न क्लबमा ट्राइल दिन जापनमा छन् । त्यस्तै रोहित भने इन्डोनेसियाको लिगमा ब्यस्त छन् । 

विश्वकप छनोटमा नेपाल समूह ‘बी’ मा रहेको छ । नेपालको समूहमा एसियाली पावर हाउस अष्ट्रेलिया, जोर्डन, कुवेत र चाईनिज ताइपे रहेका छन् । नेपालले भदौ १९ गते कुवेतसँग उसैको घरेलु मैदानमा खेल्दै छनोटको सुरुवात गर्नेछ ।

प्रतिक्रिया