सांसदको घरमा आगजनी गर्ने विप्लव नेता  समातिए 

/assets/plugins/bower_components/fileman/Uploads/pakrau.jpg

काठमाडौं– नेपाल कम्युनिष्ट पार्टीका प्रदेश सांसद तथा प्रदेश नम्बर पाँचका प्रमुख सचेतक भुमिस्वर ढकालको घरमा आक्रमण गरेको आरोपमा रुपन्देही प्रहरीले दुई जनालाई पक्राउ गरेको छ ।

पक्राउ परेका दुवैजना प्रतिबन्धित नेत्रविक्रम चन्द विप्लव समूहका जिल्ला नेता रहेको जिल्ला प्रहरी कार्यालय रुपन्देहीले जनाएको छ ।

गत शुक्रबार दिउँसो पौने तीन बजे सैनामैना नगरपालिका–८ स्थित ढकालको घरमा मट्टितेल भरिएको वियरको बोतलमा आगो लागाएर प्रहार गरिएको थियो ।

सो घटनाबाट सांसद ढकालको घरमा समान्य क्षति भएको छ भने ढकालले प्रयोग गर्ने लु १ झ ४५६ नम्बरको सरकारी गाडीमा क्षति पुगेको छ ।
https://www.nicasiabank.com/

पक्राउ पर्नेमा विप्लव समूहका जिल्ला सदस्य तथा रुपन्देही जिल्ला जनपरिषद्का उप–प्रमुख विक्रम यादव तथा रुपन्देही जिल्ला कार्यसमिति रुपन्देहीका सदस्य तथा जनपरिषद्का सदस्य रुदल यादव रहेको रुपन्देही प्रहरीले जनाएको छ ।

पक्राउ परेका दुवैजना गत साउन १५ गते रुपन्देहीको गौडहवास्थित एनसेल टावरमा आक्रमणमा समेत संलग्न रहेको खुलेको जनाएको छ ।

शुक्रबार पक्राउ परेका दुवै जनालाई विस्फोटक पदार्थ तथा आगजनीको आरोपमा मुद्दा चलाउने तयारी भैरहेको रुपन्देही प्रहरीले जनाएको छ ।

प्रतिक्रिया