पाँच वडाध्यक्षद्वारा सामूहिक राजीनामा

/assets/plugins/bower_components/fileman/Uploads/Bajura.jpeg

बाजुरा– जिल्लाको बडिमालिका नगरपालिकाका पाँच वडाध्यक्षले सामूहिक रूपमा राजीनामा दिएका छन् । 

प्रचलित नीति नियम र ऐन कानुनविपरीत नगरप्रमुख र उपप्रमुखले एकलौटी निर्णय गर्ने र समितिका सदस्यलाई समेत जानकारी नदिई मनोमानी गर्ने क्रम नरोकिएकाले बिहीबार एक ध्यानाकर्षणपत्रसहित पाँचै वडाध्यक्षले सामूहिकरूपमा राजीनामा दिएका हुन् । 

नगर कार्यपालिकाको बैठकमै विकास समिति सदस्य नरहने गरी नेपाल कम्युनिस्ट पार्टी (नेकपा)बाट चुनाव जितेका पाँच वडाध्यक्षले राजीनामा पेश गरेको वडा नं ७ का अध्यक्ष धर्मराज पाध्यायले जानकारी दिए ।

नगरप्रमुख र उपप्रमुख सहितले एकलौटी निर्णय गर्ने र पदीय जिम्मेवारी नै बेवास्ता गर्ने गरेकाले राजीनामा दिएको वडा नं ९ का अध्यक्ष विनोदकुमार विकले बताए ।  
https://www.nicasiabank.com/

समिति गठनदेखि अरु निर्णय एकलौटीरूपमा गर्ने गरी फरक संगठन र आस्थाको भनेरै बहुमतको शैली देखाएको भन्दै स्रोत अनुमान तथा सीमा निर्धारण समिति सदस्य धर्मराज पाध्या, नगर शिक्षा समिति सदस्य डम्मरबहादुर महत, रोजगार निर्देशक समिति सदस्य वीरबहादुर रावल, राजश्व परामर्श समिति सदस्य विनोदकुमार विक र नगरस्तरीय ऊर्जा तथा वातावरण समिति सदस्य सुरेन्द्र नाथले सामूहिक राजीनामा पेश गरेका हुन् ।

नगरप्रमुख पदम बडुवालले स्थानीय तहको निर्वाचनपछि देखि नै निर्णय एकलौटी गर्ने शैली नसच्चिएकाले एकलरूपमा नगरपालिका सञ्चालन गरेर देखाउन चुनौतीसहित राजीनामा पेश गरेको वडा नं २ का अध्यक्ष डम्मर महतको भनाइ छ । 

बडिमालिका नगरपालिकामा बहुमत र अल्पमतको विषयलाई लिएर बेला–बेला विवाद हुने गरेको छ । स्थानीय तह सञ्चालन निर्देशिकामा भने सत्तापक्ष र प्रतिपक्षको परिकल्पना नै गरेको छैन ।

प्रतिक्रिया