यू-१९ एशिया कप : नेपालले दुई टेस्ट राष्ट्रसँग खेल्ने 

/assets/plugins/bower_components/fileman/Uploads/nepal2.jpg

काठमाडौं- यसै महीना श्रीलङ्कामा आयोजना हुने एसिसी यू-१९ एशिया कप क्रिकेटमा अन्तर्गत नेपालले समूह चरणमा दुई टेस्ट राष्ट्रसँग खेल्ने भएको छ । एसियन क्रिकेट काउन्सिल (एसिसी) ले आज सार्वजनिक गरेको खेल तालिकाअनुसार समूह ‘बी’ रहेको नेपालले समूहमा दुई टेस्ट राष्ट्रसँग खेल्न लागेको हो । 

यही भदौ १९ देखि २८ गतेसम्म आयोजना हुने उक्त प्रतियोगितामा आफ्नो पहिलो खेल भने नेपालले भदौ २० गते टेस्ट राष्ट्र तथा आयोजक श्रीलङ्कासँग खेल्ने छ । त्यस्तै आफ्नो दोस्रो खेल नेपालले अर्को टेस्ट राष्ट्र बङ्गलादेशसँग भदौ २२ गते खेल्नेछ। समूह चरणको अन्तिम खेल युएईसँग भदौ २४ गते खेल्नेछ । 

https://www.nicasiabank.com/
नेपालको समूहमा आयोजक श्रीलङ्कासँगै बङ्गलादेश र संयुक्त अरब इमिरेटस (युएई) रहेका छन् । त्यसैगरी समूह ‘ए’मा भारत, पाकिस्तान, अफगानिस्तान र कुवेत रहेका छन् । नेपालले भने राउण्ड रोबिन लिगपछि दुवै समूहको शीर्ष दुई टोलीले सेमिफाइनलमा स्थान बनाउनेछन् ।

असार महीनामा मलेसियामा सम्पन्न भएको एसिसी यू-१९ इन्टर्न रिजनको उपाधि जितेर नेपाल एशिया कपमा छनोट भएको थियो । त्यतिबेला नेपालले फाइनल खेलमा हङकङलाई ६ विकेटले पराजित गर्दै उपाधि हासिल गरेको थियो ।

प्रतिक्रिया