प्रधानमन्‍त्री उपचारका लागि फेरि सिंगापुर जाने

/assets/plugins/bower_components/fileman/Uploads/post_images/2019, January/August/singapur_oli_ns.jpg

काठमाडौं- स्वास्थ्यमा समस्या देखापरेपछि प्रधानमन्त्री केपीशर्मा ओली पुनः सिंगापुर जाने भएका छन् । 

स्रोतका अनुसार उनी यहि भदौ ५ गते बिहीबार स्वाथ्य परिक्षणका लागि सिंगापुर जान लागेका हुन् । केही औषधी सेवन र थप परीक्षणका लागि चिकित्सकले दिएको सुझाव अनुसार उनी सिंगापुर जान लागेको उनको सचिवालय स्रोतले जनाएको छ । 

गत सोमबार मात्रै प्रधानमन्त्री ओली १० दिनसम्म स्वास्थ्य उपचार गराएर सिंगापुरबाट फर्किएका थिए । चिकित्सकहरुले केहि दिन अझै बस्न आग्रह गरेपनि पार्टीको केही काम सक्नैपर्ने भन्दै उनी स्वदेश फर्किएका थिए । 

https://www.nicasiabank.com/
उपचारपछि उनी स्वदेश फर्किएलगत्तै उनले पार्टीमा लामोसमयदेखि टुंगो लाग्न नसकेका काम टुंग्याएका छन् । पार्टीको सचिवालय बैठक बसी विभिन्न नेताहरुको जिम्मेवारी पनि हेरफेर गरिएको थियो भने विभागलाई पूर्णता दिइएको छ । त्यस्तैगरी जनवर्गीय संगठनको संयोजक र सहसंयोजक पनि बनाइएको छ ।

प्रधानमन्त्री ओलीले स्वदेश फर्केपछि आफ्नो स्वास्थ्य अवस्था सामान्य भएको बताउँदै चिकित्कसले आफूलाई २०–२५ वर्ष बाँच्ने बताएको धारणा राखेका थिए ।

उनले स्वदेश फर्केपछि ट्विट गर्दै भनेका थिए,“सिंगापुरमा स्वास्थ्य परीक्षण गरी आज फर्किएको छु । मेरो स्वास्थ्य सामान्य रहेको छ । परीक्षणमा संलग्न सबै चिकित्सकप्रति आभार व्यक्त गर्दछु । मेरो स्वास्थ्य स्थितिप्रति चासो राखी चिन्ता व्यक्त गर्ने तथा स्वास्थ्यलाभको कामना गर्नु हुने सवै दिदीबहिनी दाजुभाईहरूलाई धन्यवाद दिन चाहन्छु ।”

प्रतिक्रिया