पेस्तोल र गोलीसहित पक्राउ

/assets/plugins/bower_components/fileman/Uploads/pakrau.jpg

काठमाडौं- काठमाडौँबाट एक व्यक्ति हतियारसहित पक्राउ परेका छन्। चन्द्रागिरी नगरपालिका–२ नागढुङ्गास्थित सुरक्षा जाँच चौकीबाट हतियार र गोलीसहित शनिबार एक जना पक्राउ परेका हुन्।

ललितपुरका २८ वर्षीय मुनाल भन्ने सुलभ लामालाई स्वचालित पेस्तोल दुई थान र गोली २० राउण्डसहित पक्राउ गरिएको प्रहरी प्रधान कार्यालयले जनाएको छ। 

धादिङबाट काठमाडौँ आउँदै गरेको बा२ख १९८० नम्बरको बस जाँच गर्ने क्रममा बसमा सवार लामाको साथमा रहेको झोलामा पेस्तोल र गोली फेला परेको हो। 
https://www.nicasiabank.com/

लामाको साथबाट बाइनाकुलर र पाँच मोबाइल बरामद गरिएको प्रहरीले जनाएको छ।

उनलाई आवश्यक कारवाही तथा अनुसन्धानका लागि महानगरीय प्रहरी परिसर काठमाडौँ ल्याइएको परिसरका प्रमुख प्रहरी वरिष्ठ उपरीक्षक उत्तमराज सुवेदीले जानकारी दिए। रासस

प्रतिक्रिया