शारीरिक सुगठन टोली थाइल्यान्ड जाँदै

/assets/plugins/bower_components/fileman/Uploads/1_1_-copy_1.jpg

काठमाडौं- एसिया प्यासिफिक शारीरिक सुगठन च्याम्पियनसिपमा भाग लिन ३ खेलाडीसहित ४ सदस्यीय नेपाली टोली शुक्रबार थाइल्यान्डको बैंकक जाने भएका छन् ।  अगष्ट १६ देखि १८ तारिखसम्म हुने प्रतियोगितामा सहभागिता जनाउन नेपाली टोली त्यसतर्फ प्रस्थान गर्न लागेको हो । 

पुरुष ६५ केजीमा समिर श्रेष्ठ तथा पुरुष फिट्नेस फिजिकमा राजु राईले नेपालको चुनौती प्रस्तुत गर्ने छन् । महिला मोडेल फिजिकमा मल्लिका शाक्यले प्रतिस्पर्धा गर्नेछिन् । तीनै खेलाडी साउनको पहिलो साता काठमाडौंमा भएको १२ औं दक्षिण एसियाली शारीरिक सुगठन प्रतियोगिताका पदक विजेता हुन् । 

समिर र मल्लिकाले स्वर्ण तथा राजुले रजत जितेका थिए । टोली प्रमुखमा नेपाल शारीरिक सुगठन तथा फिट्नेस संघका उपाध्यक्ष दिनेश राजभण्डारी रहेका छन् । टोलीलाई सफलताको शुभकामना दिदै राष्ट्रिय खेलकुद परिषद्का सदस्य-सचिव रमेशकुमार सिलवालले बुधबार एक कार्यक्रमबीच बिदाइ गरे ।



प्रतिक्रिया