वारी मुख्यमन्त्री, पारी विप्लवको बमबारी

/assets/plugins/bower_components/fileman/Uploads/Mahendra_shahi.v3.jpeg

काठमाडौं- कर्णाली प्रदेशका मुख्यमन्त्री महेन्द्रबहादुर शाहीले सम्बोधन गर्ने कार्यक्रम नजिकै दुईबटा बम बिस्फोट भएका छन्।

कालिकोटका पातालझार गाँउपालिका-३ मा मुख्यमन्त्री शाहीले सम्बोधन गरिरहेका बेला कार्यक्रमस्थलका पारीपट्टी सिम्ले जंगलमा दुईवटा बम विस्फोट भएका हुन्।

कर्णाली प्रदेशका प्रहरी प्रमुख डिआईजी पुर्णचन्द्र जोशीले दिएको जानकारी अनुसार दिउँसो दुई बजे दुईवटा बिस्फोटका आवाज सुनिएका हुन्। बिस्फोट भएको स्थान मुख्यमन्त्रीले सम्बोधन गरिरहेको स्थानभन्दा झन्डै ५ किलोमिटर टाढाको जंगलमा पर्छ।

जोशीले नेपाल समयसँग भने, ‘मुख्यमन्त्री ज्युलाई लक्षित गरेर बिस्फोट भएको हैन। उहाँ भएको भन्दा झन्डै ५ किलोमिटर टाढा दुईवटा विस्फोटका आवाज सुनिएका हुन्।

पातालझार गाउँपालिकाको ५ औँ विषेश गाउँसभालाई सम्बोधन गर्न शाही बुधबार कालिकोट पुगेका थिए। कालिकोट नेत्रविक्रम चन्द विप्लबको समुहको प्रभावित जिल्ला हो।

मुख्यमन्त्री शाही अझै केही दिन उक्त क्षेत्रमा रहने छन्।



प्रतिक्रिया