सोनिया गान्धी भारतीय कांग्रेसमा अन्तरिम अध्यक्ष

/assets/plugins/bower_components/fileman/Uploads/post_images/2019, January/August/soniya.jpg

भारत- भारतीय राष्ट्रिय कांग्रेसको शनिवार आयोजित केन्द्रीय कार्यसमिति बैठकले सोनिया गान्धीलाई पार्टीको अन्तरिम अध्यक्षमा चयन गरेको छ ।
 
बैठकले अध्यक्ष पदबाट राहुल गान्धीले दिएको राजीनामा पनि स्वीकृत गरेको छ ।
 
शनिबार राति ११ बजेसम्म चलेको कांग्रेस कार्यसमिति बैठकले पार्टीको नयाँ अध्यक्ष चयन गर्न नसकेपछि अन्तरिम अध्यक्षका रुपमा सोनिया गान्धीलाई चयन गर्ने सर्वसम्मत निर्णय गरेको हो ।
 
यद्यपि, सोनिया र राहुल दुबैले आफूहरुलाई कांग्रेस अध्यक्ष पदमा नराख्न आग्रह गर्दै आएका थिए । 

यसअघि बैठकले राहुल गान्धीले पदबाट दिएको राजीनामा फिर्ता लिन आग्रह गरेको थियो । उक्त आग्रह राहुलले अस्वीकार गरेपछि बैठकले सोनिया गान्धीलाई नै अन्तरिम अध्यक्ष बनाएर उनकै अभिभाकत्वमा नयाँ अध्यक्षको चयन गर्ने निर्णय गरेको हो ।
 
१९ वर्षसम्म कांग्रेस अध्यक्ष रहिसकेकी सोनिया गान्धीले सन् २०१७ मा राजीनामा गरेकी थिइन् । त्यसपछि अध्यक्ष बनेका राहुल गान्धीले गएको लोकसभा निर्वाचनमा पार्टीले ठूलो हार व्यहोर्नु परेपछि राजीनामा गरेका थिए । 





प्रतिक्रिया