ललितपुर महानगरपालिकाका ब्रुमर र पानी ट्यांकर सञ्चालनमा

/assets/plugins/bower_components/fileman/Uploads/post_images/2019, January/August/broomer.jpg

ललितपुर – ललितपुर महानगरपालिकाले खरिद गरेको दुई वटा ब्रुमर र दुई वटा पानी ट्यांकर शुक्रवारबाट सञ्चालनमा आएको छ। हिलो र धुलोमुक्त महानगर बनाउने अभियान अनुरुप महानगरले ब्रुमर र पानी ट्यांकर खरिद गरेको हो। 

टेण्डर प्रक्रियाद्वारा महानगरले खरिद गरेको ब्रुमर र पानी ट्यांकर यही साउन १० गते महानगरपालिका आइपुगेको थियो।
 
इटालीमा बनेका युरो ४ मापदण्डका ब्रुमर खरिदका लागि महानगरले २०७५ मंसिर २७ गते वोलपत्र आह्वान गरेको थियो। सोही अनुसार २०७५ पौष २९ मा खोलिएको टेण्डर अनुसार जेनटेक प्राइभेट लिमिटेड कम्पनी छनोट भएको थियो। उसले भ्याटसहित ४ करोड ४८ लाख ११ हजार २ सय ८० रुपैयाँमा ब्रुमर उपलब्ध गराएको हो।

डिजेलबाट चल्ने ब्रुमरको ६ सय २० लिटर पानी र ६ घनमिटर धुलो भण्डारण गर्ने क्षमता रहेको छ। ब्रुमरको अगाडि एउटा, दायाँबायाँ २ र बीचमा १ गरी ४ ओटा ब्रस र पछाडि एउटा भ्याकुम क्लिनर रहेको छ। यसको ११० किलोवाट इन्जिन क्षमता छ।

बु्रमर सञ्चालनका लागि जेनटेक प्राइभेट लिमिटेड कम्पनीले महानगरका ५ जना प्राविधिकलाई सात दिनको तालिम समेत दिइसकेको छ। 

त्यसैगरी २ वटा पानी ट्यांकर खरिदका लागि महानगरले २०७५ माघ २१ गते वोलपत्र आह्वान गरेको थियो। सोही अनुसार २०७५ फागुन २२ गते वोलपत्र खुला हुँदा सिप्रदी ट्रेडिङ प्रा.लि छनौट भएको थियो। सोही अनुसार सिप्रदीले भ्याटसहित ६२ लाख ९० हजार रुपैयाँमा दुई वटा पानी ट्यांकर उपलब्ध गराएको हो।

इन्डियामा बनेको टाटा कम्पनीको एलपीटी १०१० मोडेलको पानी ट्यांकरको क्षमता ९३.२ किलोवाट रहेको छ। ६ हजार लिटर पानी भण्डारण गर्नसक्ने क्षमता भएका दुई वटा ट्याङकरका लागि कम्पनीले एक वर्षको वारेण्टी प्रदान गरेको छ।




प्रतिक्रिया