२२ वर्षीया युवतीको गहना लुटेर हत्या प्रयास

/assets/plugins/bower_components/fileman/Uploads/post_images/2019, January/August/hatya_prayash_lutpat.jpg

धनगढी- बझाङमा एक जना युवतीको गहना लुटपाट गरी हत्याको प्रयास भएको छ । 

जिल्लाको थलारा गाउँपालिका–५ की २२ वर्षीया विमला खाती ओलीको अज्ञात समूहले गहना लुटपाट गरी ज्यान मार्ने प्रयास गरेको प्रहरीले जनाएको छ ।

सोमबार बेलुका केदास्युँ गाउँपालिका–९ माइती घरबाट पोईली घर थलारा जाने क्रममा थलारा गाँउपालिका –३ को शिलाकोट भन्ने स्थानमा अज्ञात समूहले गहना र मोबाइल लुटेको र हत्या गर्ने प्रयास गरेको जिल्ला प्रहरी कार्यालय बझाङले जनाएको छ ।

जिल्ला प्रहरी कार्यालयले दिएको जानकारी अनुसार ओलीको टिनको पाताले घाँटी रेटेर हत्याको प्रयास हुनका साथै ओलीको साथमा रहेकी १३ वर्षीया बहिनी सुलोचना ओली माथि पनि लुटेरा समूहले आक्रमण गरेका थिए ।

घाइते दुवैजनाको जिल्ला अस्पताल सिमखेतमा उपचार सम्भव नभए पछी नेपालगँज रेफर गरीएको जिल्ला स्वास्य कार्यालय बझाङका डा।सन्दिप ओखेडाले बताए ।

घटनाको बारेमा प्रहरीले अनुसन्धान गर्दा उत्त घटनामा थलारा गाउँपालिका६ का २२ वर्षीय सौरव चौहान हुन सक्ने र उनको खोजी कार्य भैरहेको जिल्ला प्रहरी कार्यालय बझाङका प्रहरी प्रमुख सुर्यबहादुर केशीले जानकारी दिए ।




प्रतिक्रिया