जिप र अटो ठोक्किँदा तीनको मृत्यु

/assets/plugins/bower_components/fileman/Uploads/post_images/2019, January/July/Auto.jpeg

जनकपुरधाम- विङ्गर जिप र अटो एकआपसमा ठोक्किँदा धनुषामा तीनजनाको मृत्यु भएको छ ।

आइतबार साँझ जनकपुर–ढल्केबर सडक खण्डको क्षिरेश्वरनाथ नगरपालिका–४ मा विपरित दिशाबाट आउँदै गरेको विङ्गर र आटो एकआपसमा ठोक्किएर दुर्घटना भएको हो ।

दुर्घटनामा परेर क्षिरेश्वर ३ बस्ने ७२ वर्षीय रामदेव साह, सिरहा जिल्ला बस्ने ४० वर्षीया रेखा यादवको घटनास्थलमा र क्षिरेश्वर नपा–४ बस्ने रोशन साहको उपचारको क्रममा मृत्यु भएको जिल्ला प्रहरी कार्यालय धनुषाका प्रवक्ता डिएसपी रामेश्वर कार्कीले जानकारी दिएका छन्।

https://www.nicasiabank.com/
यसैगरी दुर्घटनामा धनुषा हंसपुर नगरपालिका बस्ने २२ वर्षीय संजय साह र गणेशमानचारनाथ नगरपालिकाकी २१ वर्षीया गीता पासवान घाइते भएको कार्कीले बाताएका छन्।

दुर्घटनामा घाइते भएका संजयको अवस्था चिन्ताजनक रहेको बताइएको छ ।

जनकपुरबाट ढल्केबरतर्फ गइरहेको ना १ ज  ७०२२ नम्बरको विन्गर र ढल्केबरबाट जनकपुरतर्फ आइरहेको ज १ ह ४८९६ नम्बरको आटो ठोक्किंदा दुर्घटना भएको हो ।

प्रतिक्रिया