एक शर्तमा नेयमारले पिएसजी छोड्न सक्ने

/assets/plugins/bower_components/fileman/Uploads/Neymar-copy_1.jpg

एजेन्सी- ब्राजिलियन स्टार स्ट्राइकर नेयमारले पेरिस सेन्ट जर्मन (पिएसजी)को एक साताको प्रि-सिजन प्रशिक्षण पछि क्लबमा पुगेका छन् । पिएसजीमा पुगेसँगै नेयमारले क्लबका निर्देशक लियोनार्डो सहित अन्य प्रमुख व्यक्तित्वसँग भेट गरेका छन् । 

भेटमा नेयमारले आफुले क्लब छोड्न चाहेको व्यक्त गरेको स्पेनिस डेली स्पोर्टस्ले जनाएको छ । डेली स्पोर्टस्का अनुसार नेयमारको प्रस्ताव क्लबले पनि स्वीकार गरेको जनाएको छ । तर, क्लबले उनको प्रस्तावमा एक शर्त राखेको छ । 

क्लबले नेयमारका लागि सहि मुल्यको प्रस्ताव आए मात्र छोड्ने बताएको छ । सोमबारको बैठकमा यो बताइएको छ की नेयमारले क्लब छोड्न चाहेमा दुई वर्ष पहिले तिरेको विश्व कीर्तिमानी रकमको भुक्तान गर्नु पर्ने छ । 

नेयमारलाई २०१७ मा बार्सिलोनाबाट पिएसजीले विश्व कीर्तिमानी मुल्यमा अनुबन्ध गरेको थियो। तर, हाल उनी पूनः बार्सिलोना फर्किन चाहेको चर्चा छ । बार्सिलोना पनि नेयमारलाई पुनः क्लबमा फर्काउन कसरतमा रहेको छ । नेयमारले क्लब छोड्न चाहेकै कारण प्रि-सिजनको पहिलो खेल खेलेका थिएनन् । 



प्रतिक्रिया