'टिआरसी' मा सहमति भएपछि टुंगियो नेकपाको एकीकरण

/assets/plugins/bower_components/fileman/Uploads/post_images/2019, January/July/NEKAPA_RAJA.jpg

काठमाडौं - सत्तारुढ नेपाल कम्युनिष्ट पार्टी (नेकपा) मा द्वन्द्वकालिन मुद्दा समाधान गर्ने विषयमा सहमति जुटेपछि एकता प्रक्रिया टुंगिएको छ।

द्वन्द्वकालिन मुद्दा समाधान गर्न सत्य निरुपन तथा मेलमिलाप आयोग (टिआरसी) को पदाधिकारीका विषयमा प्रधानमन्त्री एवं नेकपाका केपी शर्मा ओली र अध्यक्ष पुष्पकमल दाहाल प्रचण्डबीच सहमति भएपछि एकता प्रक्रिया टुंगो लगाउने सहमति भएको हो।

मंगलबार ओली, प्रचण्ड, महासचिव विष्णु पौडेल र गृहमन्त्री रामबहादुर थापा बादलबीच भएको छलफलबाट सहमतिमा भएको हो।

महासचिव पौडेलका अनुसार पार्टी एकीकरणका सम्पूर्ण काम पुरा भएको छ। केही दिनभित्रै बस्ने स्थायी कमिटीबाट अनुमोदन गरिने पौडेलले जनाएका छन्।

केन्द्रीय सदस्यहरुको कार्यविभाजन, विभागहरुको नेतृत्व तथा एकीकरणको अन्य प्रक्रिया बाँकी रहेको थियो। 

पछिल्लो समय द्वन्द्वकालिन मुद्दा समाधान गर्ने विषयमा प्रधानमन्त्री ओलीले अटेर गरेपछि प्रचण्ड र प्रमुख प्रतिपक्षी दल नेपाली कांग्रेसका सभापति शेरबहादुर देउवाबीच पटक-पटक छलफल भएको थियो। यसले सत्ता समीकरण पनि विग्रिन सक्ने संकेत भएको थियो। 

त्यसपछि मात्र प्रधानमन्त्री ओली लचक भएपछि एकीकरणले पुर्णता पाएको बुझिएको छ। प्रधानमन्त्रीले लचकता देखाए लगतै टिआरसीले पदाधिकारी पाउने भएको छ।




प्रतिक्रिया