च्याम्पियन बन्न इंग्ल्यान्डलाई मध्यम लक्ष्य

/assets/plugins/bower_components/fileman/Uploads/post_images/2019, January/July/20190714_184442.jpg

एजेन्सी- इंग्ल्यान्डलाई क्रिकेटको नयाँ च्याम्पियन बन्न आइसिसी एकदिवसीय विश्वकप क्रिकेटको फाइनल खेलमा न्युजिल्यान्डले २ सय ४२ रनको मध्यम लक्ष्य सुम्पेको छ । टस जितेर पहिले ब्याटिङ गरेको न्युजिल्यान्डले निर्धारित ५० ओभरमा ८ विकेट गुमाउँदै २ सय ४१ रन जोडेको हो ।

न्युजिल्यान्डका लागि हेन्री निकोलसले अर्धशतकीय पारी खेले । निकोलसले ७७ बलमा ४ चौका प्रहार गर्दै ५५ रनको अर्धशतकीय पारी खेलेका हुन् । त्यस्तै टोम लाथम अर्धशतक बनाउनबाट तीन रनले चुके । उनले ५६ बलमा २ चौका र १ छक्काको मद्दतमा ४७ रनको पारी खेलेका हुन् ।

मध्यम सुरुवात गरेको न्युजिल्यान्डका लागि निकोलस र कप्तान केन विलियमसनले दोश्रो विकेटका लागि ७४ रनको सझेदारी गरेका थिए । विलियमसनले ५३ बलमा २ चौका हान्दै ३० रन जोडे ।
https://www.nicasiabank.com/

न्युजिल्यान्डले पहिलो विकेटको रुपमा १९ रनमा खेली रहेका मार्टिन गुप्टिललाई गुमाएको थियो । त्यस्तै जोस टेयलर १५, जेम्स नीशाम १९, कोलिन डे ग्रन्डोमले १६ र म्याट हेन्री ४ रनमा पेभेलियन फर्खिए । मिचेल सान्टर ५ र ट्रेन्ट बोल्ट १ रनमा अविजित रहे ।

इंग्ल्यान्डका लागि लियम प्लुंकेट र क्रिस वोक्सले समान तीन तीन विकेट लिए । त्यस्तै मार्क वुड र जोफ्रा आर्चरले एक एक विकेट लिए।

प्रतिक्रिया