बाढी पहिरोले १७ जनाको मृत्यु

/assets/plugins/bower_components/fileman/Uploads/badhi_1.jpg

काठमाडौं- अवरिल वर्षासँगै मुलुकका विभिन्न ठाउँमा आएको बाढीपहिरोका कारण १७ जनाको मृत्यु भएको छ।

प्रहरी प्रधान कार्यालयका अनुसार बिहीबार बेलुकादेखिको झरीका कारण मुलुकका २० जिल्लामा बाढीपहिरोले क्षति पुर्याएको हो।

खोटाङका ३, काठमाडौंमा ३, काभ्रे र भोजपुरमा २-२ जनाको मृत्यु भएको छ।

त्यस्तै ओखलढुंगा, पर्सा, रामेछाप, सिन्धुली, मकवानपुर, धादिङ र ललितपुरमा १-१ जनाको मृत्यु भएको प्रहरीले जनाएको छ। ७ जना बेपत्ता भएका छन्।

जल तथा मौसम विज्ञान विभागले नदी तथा खोला आसपासका क्षेत्रमा सचेतना अपनाउन पनि आग्रह गरेको छ।

अविरल वर्षाको कारण देशको जनजीवन प्रभावित बनेको छ। मुख्यतः तराईका जिल्लाहरुसँगै काठमाडौं, सिन्धुली, पाल्पालगायतका जिल्लाहरु डुबानमा परेको छ।

हालसम्म ३९ वटा जिल्लाहरुमा बाढी, पहिरो र चट्याङ पर्दा स्थानीयहरु त्रसित बनेका छन्।



प्रतिक्रिया