मन्त्री पण्डितलाई आदिवासी जनजातिले लखेटे

/assets/plugins/bower_components/fileman/Uploads/post_images/2019, January/June/lalbabu_pandit-copy_1.jpg

मन्त्री लालबाबु पण्डित ।

काठमाडौं - समान्य प्रशासन मन्त्री लालबाबु पंडितलाई आदिवासी जनजाति युवाहरुले लखेटेका छन्।

ललितपुर जाउलाखेलस्थित एक कार्यक्रममा पुगेका मन्त्री पंडितलाई उनीहरुले लखेटेपछि अंग रक्षकले जोगाएका थिए।

शुक्रबार विहान आदिवासी जनजाति उत्थान राष्ट्रिय प्रतिष्ठान १९ औं सञ्चालक परिषद्को बैठकमा मन्त्री पंडित प्रमुख अतिथि थिए। 

कार्यक्रम स्थल बाहिर लोकसेवा आयोगको विज्ञापन संविधान विरुद्ध र असमावेशी भएको भन्दै खारेजीको माग गर्दै आदिवासी जनजाति युवा तथा विद्यार्थीहरुले प्रदर्शन गर्दै थिए।

मन्त्री पंडित कार्यक्रमस्थल पुगेलगतै उनीहरुले नारावाजी चर्को गरेका थिए। कार्यक्रम स्थलभित्र मन्त्री भएकै ठाउँमा पुगेका युवा विद्यार्थीहरुले ठेलमठेल गरेका थिए। मन्त्रीका अंगरक्षकले जोगाउँदै मन्त्री पंडितलाई मन्त्री क्वाटरमा लगेका छन्।




प्रतिक्रिया