अवतरणका क्रममा यतिको विमान दुर्घटना, विमानस्थल बन्द

/assets/plugins/bower_components/fileman/Uploads/plane.jpg

काठमाडौं - त्रिभुवन विमानस्थलमा अवतरणका क्रममा यति एयरलाइन्सको विमान धावनमार्गबाट चिप्लिएको छ।

नेपालगञ्जबाट काठमाडौं आएकै यतिको एटीआर ७२ विमान धावनमार्गबाट चिप्लिएर ट्याक्सी वेमा पुगेको छ। नेपालगन्जबाट ६६ जना यात्रु तथा तीन जना चालक दलका सदस्यसहित काठमाडौं आएको यतिको एटीआर विमान अवतरणको क्रममा चिप्लिएको हो।

विमानमा रहेका यात्रु तथा चालकदलका सदस्यहरु उद्धार कार्य जारी रहेको विमानस्थल स्रोतले जनाएको छ। बिहान ११ बजेर ६ मिनेटमा जहाज चिप्लिएको र  त्यस क्रममा दुई यात्रु सामान्य घाइते भएका विमानस्थल कार्यालयले जनाएको छ। घाइतेको केएमसी अस्पताल सिनामंगलमा उपचार भैरहेको छ।

दुर्घटनापछि विमानस्थलका सम्पूर्ण उडान तथा अवतरणहरु बन्द भएका छन्।




प्रतिक्रिया