मुख्यमन्त्री कार्यालयसहित जनकपुर डुबानमा ( फोटो फिचर)

/assets/plugins/bower_components/fileman/Uploads/post_images/2019, January/July/pani_duban.jpg

जनकपुरधाम - तीन दिनदेखि लगातार भइरहेको अबिरल वर्षाका कारण मुख्यमन्त्री कार्यालयसहित जनकपुरको अधिकांस क्षेत्र डुबानमा परेको छ। वर्षापछि पानीको समूचित निकास हुन नसक्दा यहाँको अधिकांश भाग डुबानमा परेको हो।

भारी वर्षाका कारण जचुकालिस्थित मुख्यमन्त्री कार्यालय, जनकपुर अञ्चल अस्पताल, जिल्ला प्रहरी कार्यालय, संघीय प्रहरी कार्यालय , जिल्ला हुलाक कार्यालय, आन्तरिक राजश्व कार्यालयलगायतका दर्जनौं सरकारी कार्यालयहरु डुबानमा परेको छ।

यसैगरी वर्षाका कारण जनकपुरको वडा नम्बर १,२, ३,१०,११ लगायतका वडाहरु डुबानमा परेपछि जनजीवन कष्टकर बनेको छ। यी वडाहरूको घरभित्र पानी छिरेपछि स्थानीय समस्यामा परेका छन्। 

यता हालसालै निर्माण भएका जनकपुरका सडकहरु समेत जलमग्न भएका छन्। आधुनिक प्रविधि र ढलसहितको सडकमा पानी नजम्ने दाबा गरिएपनि सडकहरु जलमग्न भएका हुन्।
जनकपुरधाम उपमहानगरपालिका कार्यालयकै अगाडि सडकमा पानी जमेको छ भने भानुचोक, शिवचोकलगायतका सडकहरु जलमग्न देखिएको छ।

तस्बिर : धैर्यकान्त/ नेपाल समय




https://www.nicasiabank.com/











प्रतिक्रिया