‘यस वर्षको बालोन डि’ओर मेस्सीलाई’

/assets/plugins/bower_components/fileman/Uploads/messi-copy_2.jpg

एजेन्सी- अर्जेन्टिनी सुपस्टार स्ट्राइकर तथा बार्सिलोनाका कप्तान लियोनल मेस्सी यस वर्षको बालोन डि‘ओर को हकदार भएको पूर्व बार्सिलोना तथा ब्राजिलियन स्ट्राइकर रिवाल्डोले बताएका छन् । सन् १९९९ को विश्वकप विजेता रिवाल्डोले यस सिजनको बालोन डि’ओर मेस्सीले जित्नै पर्ने बताएका हुन् । 

‘मेस्सीले च्याम्पियन लिग जितेनन् । तर, यो व्यक्तिगत पुरस्कार हो । मेस्सीले धेरै गोल गरेका छन् । त्यसैले मेस्सी यसका हकदार हुन्।’ रोनाल्डोले बार्सिलोनाका लागि एक सानदार सिजन बिताएका थिए । 

उनले बार्सिलोनाका लागि यस सिजन सबै खाले खेलमा ५१ गोल गरे । उनले ला लिगको उपाधि समेत दिलाउन महत्वपूर्ण भूमिका खेले । तर, लिग पछि मेस्सीलाई त्यती सफलता भने मिलेको छैन् । 

च्याम्पियन्स लिगमा बार्सिलोना लिभरपुलसँग नाटकीय रुपमा पराजित भएको थियो । त्यस्तै कोपा डेल रेमा पनि पराजित भएको थियो । मेस्सीले ब्राजिलमा सम्पन्न कोपा अमेरिकामा अर्जेन्टिनालाई फाइनल पुर्योउन सकेनन् । मेस्सीले र क्रिस्टियानो रोनाल्डोले समान पाँच पटक बालोन डि’ओर जितेका छन् । 



प्रतिक्रिया