भारत बाहिरियो, न्युजिल्यान्ड फाइनलमा

/assets/plugins/bower_components/fileman/Uploads/indai.jpg

एजेन्सी- इंग्ल्यान्डमा जारी आइसिसी एकदिवसीय विश्वकप क्रिकेटबाट भारत बाहिरिएको छ । सेमिफाइनल खेलमा न्युजिल्यान्डसँग १८ रनले पराजित हुँदै भारत जारी विश्वकपबाट बाहिरिएको हो । 

न्युजिल्यान्डले दिएको २ सय ४० रनको मध्यम लक्ष्य पछ्याएको भारतले ४९.३ ओभरमा सबै विकेट गुमउँदै मात्र २ सय २१ रन बनाउन सक्यो । खराव सुरुवात गरेको भारतका लागि रिसभ पन्त र हार्दिक पाण्डेयले केही मात्रामा भारतको पारी सम्हाल्ने प्रयास गरेका थिए ।

३.१ ओभरमा ५ रन जोड्दा ३ विकेट गुमाएको अवस्थानमा पन्त र पोण्डेयले ४७ रनको साझादारी गरेका थिए । पन्तले ५६ बलमा चौका प्रहार गर्दै ३२ रन जोडे । त्यस्तै पाण्डेयले ६२ बलमा चौका प्रहार गर्दै ३२ रन जोडे । पाण्डेयले विकेटकीपर ब्याट्सम्यान धोनीसँग २१ रनको साझेदारी गरेका थिए । 
Image result for india vs new zealand
सातै विकेटका लागि धोनी र रबिन्द्र जडेजाले ११६ रनको उत्कृष्ट साझेदारी गरेपनि टोलीको जितका लागि प्रयाप्त हुन सकेन् । जडेजाले आक्रमक खेल खेल्दै ५९ बलमा ४ चौका र ४ छक्का प्रहार गर्दै ७७ रनको अर्धशतकीय पारी खेले । 

त्यस्तै धोनीले ७२ बलमा १ चौका र १ छक्का प्रहार गर्दै ५० रन जोडे । भारतका सुरवाती तीन विकेट व्यक्तिगत १-१ रनमा पेभिलियन फर्किएका थिए । न्युजिल्यान्डका लागि माट हेन्रीले तीन विकेट लिए । त्यस्तै मिचेल सान्टर र बोल्टलले दुई दुई तथा लोकी फेर्गुसन र जेम्स नीशामले एक एक विकेट लिए । 

https://www.nicasiabank.com/
यसअघि टस जितेर पहिले ब्याटिङ गर्ने निर्णय गरेको न्युजिल्यान्डले निर्धारित ५० ओभरमा ८ विकेट गुमाउँदै २ सय ३९ रन जोडेको थियो । मंगलबार सुरु भएको खेल ४६.१ ओभरमा ५ विकेट गुमाएर २११ रन जोड्दा भारी वर्षले प्रभावित भएपछि खेल पुनः बुधबार सुरु भएको हो । 
Image result for virat kohli serious
चौथो ओभरको तेस्रो बलमा टोलीको १ रन हुँदा पहिलो विकेटको रुपमा मार्टिन गुप्टिललाई गुमाएको न्युजिल्यान्डले १९ औं ओभरमा ६९ रन पुग्दा हेन्री निकोलसलाई गुमाएको थियो । खराव अवस्थाबाट गुज्रिएको न्युजिल्यान्डलाई कप्तान केन विलियमसनले सम्हालेका थिए । 

उनले निकोलससँग ६८ रनको साझेदारी गर्दा रोज टेयलरसँग ६५ रनको साझेदारी गरेका थिए । केनले ९५ बलमा ६ चौका प्रहार गर्दै ६७ रनको अर्धशतकीय पारी खेले । त्यस्तै टेयलरले ९० बलमा ३ चौका र १ छक्का प्रहार गर्दै ७४ रन जोडेका हुन् । 
Image result for virat kohli serious
यसअघि पहिलो विकेटको रुपमा १ रनको गुप्टिल आउट हुँदा २८ रनामा निकोलस पेभिलियन फर्किएका थिए । जेम्स नीशामले १२, कोलिन डे ग्रान्डोमेले १६, टोम लाथमले १० रन जोडे । त्यस्तै मिचेल सान्टर ९ र बोल्ट ३ रनमा अविजित रहे । 

भारतका लागि भुवनेश्वर कुमारले तीन तथा जसप्रित बुम्राह, युजेन्द्र चाहल, हार्दीक पाण्डेय र रबिन्द्र जडेजाले एक एक विकेट लिए । अब न्युजिल्यान्डले उपाधिका लागि फाइनल खेल बिहीबार हुने इंग्ल्यान्ड र अष्ट्रेलियाबीचको विजेता टोलीसँग खेल्ने छ । 
Image result for news land cricket team celebration

प्रतिक्रिया