दुई मैत्रिपूर्ण खेल खेल्न राष्ट्रिय टोली मलेसिया प्रस्थान

/assets/plugins/bower_components/fileman/Uploads/nepal_team.jpg

काठमाडौं- सिंगापुरमा आयोजना हुने आइसिसी टी-२० विश्वकप एसिया छनोट फाइनलको तयारीमा रहेको नेपाली राष्ट्रिय क्रिकेट टोली मलेसिया प्रस्थान गरेकोछ । मलेसियासँग दुई टी-२० मैत्रिपूर्ण खेल खेल्न नेपाली राष्ट्रिय टोली मंगलबार त्यसतर्फ प्रस्थान गरेको हो । 

नेपालले असार २८ र २९ गते दुई मैत्रिपूर्ण खेल खेल्ने छ । मलेसियासँगको दुई मैत्रिपूर्ण खेल पछि नेपाली टोली उतैबाट सिंगापुर प्रस्थान गर्ने छ । एसिया छनोट फाइनलका लागि यस अघिनै पारस खड्काको कप्तानीमा १४ सदसीय नेपाली टोलीको घोषणा गरी सकेको थियो ।  

https://www.nicasiabank.com/
सन् २०२० मा अष्ट्रेलियामा आयोजना हुने विश्वकपको छनोटको रुपमा रहेको फाइनल जुलाई २२ देखि २८ सम्म सिंगापुरमा आयोजना हुनेछ । नेपालले आफ्नो पहिलो खेल कतारसँग २३ जुलाईमा खेल्ने छ भने दोस्रो खेल मलेसियासँग २४ जुलाइमा खेल्ने छ । 

त्यस्तै २७ जुलाईमा कुवेत र २८ जुलाईमा घरेलु टोली सिंगापुरसँग खेल्नेछ । छनोटको शीर्ष स्थानमा रहने टोलीले विश्वकपको ग्लोबल छनोटमा स्थान बनाउने छन् । ग्लोबल छनोट अक्टोबर ११ देखी नोभेम्बर ३ सम्म युएईमा आयोजना हुनेछ। एसिया छनोटमा युएई भने आयोजकको रुपमा स्वतः ग्लोबल छनोटमा पुगेको छ ।

प्रतिक्रिया