सागरको घातक बलिङमा हङकङ ९५ रनमा समेटियो

/assets/plugins/bower_components/fileman/Uploads/sagar.jpg

काठमाडौं- देब्रे हाते स्पिनर बलर सागर ढकालले घातक बलिङ गरेपछि इस्र्टन रिजन यू-१९ एसिया कप छनोट अन्तरगत फाइनल खेलमा हङकङ सस्तैमा समेटिएको छ । सागर एक्लैले पाँच विकेट लिए पछि टस हारेर पहिले ब्याटिङ गर्ने निम्तो पाएको हङकङले ४३.१ ओभरमा सबै विकटे गुमाउँदै मात्र ९५ रन जोड्न सक्यो । 

हङकङका लागि अदित गोरावाराले सर्वाधिक २४ रन जोडे । उनले ७१ बल खेल्दै ४ चौकाको मद्दतमा २४ रन जोडेका हुन् । त्यस्तै कलहान मार्क चल्लुले १९, रौनक कपुरले १२ र रन जोडे । नेपाली बलर सामु निरही देखीएका हङकङका अन्य ब्याट्सम्यानले भने दोहोरो अंकमा रन छुन सकेनन् । 

२३ औं ओभरमा ४७ रन पुग्दा हङकङले ५ विकेट गुमाई सकेको थियो । त्यसपछि कमल सिंह ऐरी, र तिलकराज भण्डारीले उत्कृष्ट बलिङ गरेपछि हङकङ सस्तैमा समेटिएको हो । 
https://www.nicasiabank.com/

हङकङलाइै सस्तैमा समेट्न सर्वाधिक विकेट लिएका सागरले १० ओभरमा ५ मेडियन सहित १८ रन खर्चेर ५ विकेट लिए । त्यस्तै ऐरीले तीन तथा भण्डारी र कुसल मल्लले एक एक विकेट लिए । 

यस छनोट अन्तरगत प्रतियोगिताको विजयी टोलीले सेप्टेम्बरमा हुने यूथ एसिया कपमा छनौट स्थान बनाउने छ । एसिया कपमा भारत, पाकिस्तान, श्रीलंका, बांग्लादेश र अफगानिस्तानले प्रतिस्पर्धा गर्नेछन् ।

प्रतिक्रिया