विश्वकपमा देखीएका पाँच युवा स्टार 

/assets/plugins/bower_components/fileman/Uploads/top_5_young_player.jpg

एजेन्सी- इंग्ल्यान्डमा जारी विश्वकपको सेमिफाइनल समिकरण पुरा भैसक्दा मंगलबारबाट सेमिफाइनल खेल सुरु हुँदै छन् । यस दौरान केही युवा खेलाडीले आफ्नो उत्कृष्ट प्रदर्शन गरेका छन् । जसले सभविष्यमा एक सुपरस्टार बन्ने संकेत देखाएको छ । हेरौ जारी विश्वकपमा पाँच उदयमान खेलाडीहरु ।

निकोलस पूरन (वेस्टइन्डिज)
Image result for nicholas pooran
वेस्टइन्डिजका २३ वर्षीय ब्याट्सम्यान निकोलस पूरनले विश्वकपमा आफ्नो उत्कृष्ट प्रदर्शनले देखाएका छन् । त्यसैले उनले आफ्नो टिमका लागि भविष्यमा महत्वपूर्ण भुमिका खेल्न सक्ने अनुमान गर्न सकिन्छ । पूरन जारी विश्वकपमा वेस्टइन्डिजका लागि सर्वाधिक रन जोड्ने पहिलो खेलाडी हुन् । 

विश्वकप अघि आफ्नो डेब्यु खेलमा उनी खाता नखोल्दै पेभिलियन फर्किएका थिए । तर, यस विश्वकपमा पूरनले ९ खेलमा खेल्दै ५२.४२ को औसतमा कुल ३६७ रन बनाएका छन् । यस दौरान उनको वेष्ट स्कोर ११८ रहेको छ । उनले यू-१९ विश्वकपमा अष्ट्रेलियाविरुद्ध १४३ रनको पारी खेलेका थिए । 

शाहीन शाह अफ्रीदी (पाकिस्तान)
Image result for shahin shah afridi
१९ वर्षीय पाकिस्तानी तिब्र गतिका बलर शाहीन शाह अफ्रीदीलाई दिग्गन वसिम अकरमले भविष्यको तारा भनेका छन् । अफ्रीदीले बंगलादेशविरुद्धको खेलमा ३५ रन खर्चेर ६ विकेट लिएका थिए । जुन पाकिस्तानका लागि विश्वकपको एक खेलमा सर्वाधिक विकेटको रेकर्ड हो । 

अफ्रीदीले यस विश्वकपको एकै खेलमा ६ विकेट लिने सबै भन्दा युवा खेलाडी समेत बने । अफ्रीदी जारी विश्वकपमा १९ वर्ष ९० दिनको उमेरमा ६ विकेट लिएका थिए । उनले विश्वकपका मात्र ५ खेल खेल्दै १ट विकेट लिएका छन् । 

मुजिब उर रहमान (अफगानिस्तान)
Image result for mujeeb ur rahman
अफगानिस्तान विश्वकपका सबै ९ खेल गुमाए पनि युवा खेलाडी मुजिब उर रहमानले उत्कृष्ट बलिङ गर्दै सबैको मन जितेका छन् । मुजिबले यस विश्वकपमा मात्र ७ विकेट लिए पनि उनको बलिङ स्टाइलले धेरै जसो दिग्गज ब्याट्सम्यानलाई समेत हम्मे हम्मे पारे । 

१८ वर्षीय बलर मुजिबले अफगानिस्तानका नम्बर एक स्पिनर राशिद खान भन्दा दुई वर्ष कान्छा हुन् । तर, जुन तरिकाले मुजिबले आफ्ना प्रत्यक बलमा विविधता देखाए, त्यसले गर्दा उनी छिट्टै एक स्टार खेलाडीको स्थानमा पुग्ने छन् । मुजिबले आफुलाई प्रमाणित गर्दै बंगलादेशविरुद्धको खेलमा तीन विकेट लिएका थिए ।
 
अविष्का फर्नान्डो (श्रीलंका)
Image result for avishka fernando

दिमुथ करुणारत्नेको कप्तानीमा रहेको श्रीलंकाले यस विश्वकपमा खासै उत्कृष्ट प्रदर्शन गर्न सकेन् । तर, यस दौरान अविष्का फर्नान्डोले निडरताका साथ ब्याटिङ गरे । जहाँ उनले कयौ पटक धरमराएको श्रीलंकाको स्कोरलाई उकास्दै टिम सहकर्मी र समर्थकका अनुहारमा मुस्कान ल्याएका थिए । 

२१ वर्षीय फर्नान्डोले विश्वकपका ४ खेलमा २०३ रन जोडे । उनले वेस्टइन्डिजविरुद्धको खेलमा १०४ रनेका शतकीय पारी खेलेका थिए । त्यस्तै फर्नान्डोले इंग्ल्यान्डविरुद्धछको खेलमा ४९ रनको पारी खेल्दै टिमलाई शानदार जित दिलाएका थिए । 

जोफ्रा आर्चर (इंग्ल्यान्ड)
Related image
आफ्नो पहिलो विश्वकपमा नै धमाकेदार प्रदर्शन गर्दै जोफ्राले इंग्ल्यान्डका टिम व्यवस्थापकको विश्वस जितेका छन् । उनले हालै मात्र इंग्ल्यान्डबाट खेल्ने मौका पाएका हुन् । २४ वर्षीय तिब्र गतिका बलर जोफ्राले गती र एक्युरेसी अन्य बलर भन्दा फरक रहेको छ । 

इंग्ल्यान्डलाई सेमिफाइनल सम्म पुग्न जोफ्राले महत्वपूर्ण भुमिका खेलेका थिए । उनले ९ खेलमा १ठ विकेट लिएका छन् । जहाँ चार पटक लगातार तीन विकेट लिएका छन् । उनी इंग्ल्यान्डका लागि लामो समयसम्म बलिङ गर्ने अनुमान गरिएको छ ।



प्रतिक्रिया